chuldiramoq

чулдирамоқ

2 ta lugʻatda uchraydi JSON Shevalarda Barcha qidiruv natijalari

Izohli lugʻat

chuldiramoq

fl. 1. Shaldiramoq, shildiramoq.

Bahor chogʻi chuldiragan irmoqlardan Salom boʻlsin saxovatli yil boshiga. — A. Oripov

Jilgʻalarda suvlar pastliklarga shitob bilan chuldirab oqa boshladi. — S. Axmad, Jimjitlik

2. Chuldir-chuldir, yoqimli ovoz bilan sayramoq.

Qir ustida soʻfitoʻrgʻay nozik chuldiradi. — M. Mansurov, Yombi

roʻparadagi qalin bogʻlar qoʻynida bijildoq qushlarning chuldirab sayragani eshitiladi. — Yoshlik

3. Goʻdakka xos gapirmoq; bijirlamoq.

Jamalaksoch qizaloq botinkasi bilan eshik-ni tepib ochib, chuldirab, Joʻrabek aka karavoti yoniga keldi. — Mirmuhsin, Qulamas qoya

Chuldirab qolmoq Kayfi oshib yoki dovdirab, tili gapga kelmay qolmoq. Ichkilikka Ivanning endi ishtahasi ochilgan paytda Mutavalli mast boʻlib chuldirab qoldi. — M. Osim, ElchilarAzimboyvachcha ikki piyoladayoq chuldirab qoldi. — S. Ahmad, Hukm

Oʻzbekcha-nemischa lugʻat

chuldiramoq

zwitschern vi, schwatzen vi, (bolalar) plappern vi