чирсилламоқ

фл. 1. Чирс-чирс овоз чиқармоқ.

Каттакон тўнкадан чирсиллаб олов сачраяпти. — Ў.Ҳошимов, Икки эшик ораси

Магнитофоннинг лентаси тугаб, чирсиллаб айлана бошлади. — Ёшлик

2. кўчма Жаҳли чиқиб кетмоқ; асабийлашмоқ.

Энди Ҳалима чирсиллаб кетди: — Ҳа, сенга ҳазил қилиб ҳам бўлмайдими! — Ў. Усмонов, Қисмат

3. кўчма Долзарблик касб этмоқ; кескин тус олмоқ, кескинлашмоқ.

Пахта масаласи — ҳамма вақт чирсиллаб турган масала. — Мирмуҳсин, Умид

Замон чирсиллаб турибди. — Х. Тўхтабоев, Ширин қовунлар мамлакати

4. кўчма Синиб кетай демоқ.

Меҳмонхона. Зиёфат столи ноз-неъматлардан чирсиллаб турипти. — Муштум

5. кўчма Кучаймоқ, зўраймоқ (совуқ ҳақида).

Ҳамма ёқ кўкиш қор билан қопланган, совуқ чирсилларди. — М. Осим, Элчилар