chaymoq

fl. 1. Yuvilgan narsani toza suvga botirib yoki ustidan toza suv quyib, chayqab toza qilmoq.

Bolakay darrov choynakni ariqchada chaya boshladi. — R. Fayziy, Asad libosi

2. Yuvmoq.

[Yaxshiboyev] Shoshilmay vanna-xonaga kirib, yuz-qoʻlini chayib, artinib, shundan keyingina ichkariga oʻtdi. — M. M. Doʻst, Lolazor

3. Pok, toza tutish yoki davolash uchun suv yoki biror dorivor suyuqlik bilan yuvmoq; chayqamoq.

Ogʻiz chaymoq. Tomoqni soda bilan chaymoq.

Sadaf kabi oq tishlarini bir-ikki chaydi-da, ariq boʻyini va uning suvlarini tashlab ketdi. — A. Qodiriy, Oʻtgan kunlar

4. Hoʻl, nam qilmoq (yogʻin-sochin, shudring haqida).

Kechagina yoqqan jala oʻt-oʻlanlar bilan giyohlarni chayib oʻtibdi. — N. Fozilov, Diydor.

Shudring chaygan yolgʻizoyoq yoʻldan yuqoriga unsiz yurishdi. — Yoshlik

Yuvilgan narsani toza suvga botirib yoki ustidan toza suv quyib chayqamoq.DURULAMAK

полоскать, прополаскивать

ogʻiz chaymoq полоскать рот.

v rinse

• ogʻiz chaymoq gargle

1. shayıw, taza suwda shayıw

2. juwıw

3. suwlaw, ıģallaw, hóllew

spülen vt, abspülen vt