чарм

charm

1 та луғатда: Изоҳли яна 5 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

чарм

от 1. Ҳайвонлар терисидан ёки сунъий хом-ашёдан тайёрланадиган материал; кўн.

[Чол] Терига сув пуркайди ва кўва билан дўқ-дўқ уриб, чармни текислайди. — Ойбек, Танланган асарлар

2. Оёқ кийимининг остки қисми, тагчарм.

Маҳси чарми. Туфли чарми.

3. сфт. Чармдан тайёрланган, чармдан тикилган, чарм қопланган.

Чарм сумка.

[Мулла Фазлиддин] Оёғига чарм кавуш кийиб, обрез четида бет-қўлини ювди. — П. Қодиров, Юлдузли тунлар

Менинг ҳам қутим ўчиб, жон ҳолатда чарм суянчиқни шартта ушлаб олдим. — Н. Фозилов, Дийдор

Юзига (ёки бетига) чарм қопламоқ Ор-номус, виждонни йиғиштириб қўйиб, безбет бўлиб олмоқ. Пошша хола шунга ҳам шукур қилиб, бетига чарм қоплаб, истаса-истамаса, куёвининг олдида гирдикапалак эди. — Д. Нурий, Осмон устуниГап бошласанг унга агар танқиддан, Бетига чарм қоплаб олар шу замон. — Муштум
Чарм қўлқоп усталари Боксёрлар. Баҳсларда тошкентлик ёш чарм қўлқоп усталари энг кўп ғалабага эришиб, биринчи ўринни қўлга киритдилар. — Газетадан