charm

чарм

6 ta lugʻatda uchraydi JSON Shevalarda Barcha qidiruv natijalari

Izohli lugʻat

charm

ot 1. Hayvonlar terisidan yoki sunʼiy xom-ashyodan tayyorlanadigan material; koʻn.

[Chol] Teriga suv purkaydi va koʻva bilan doʻq-doʻq urib, charmni tekislaydi. — Oybek, Tanlangan asarlar

2. Oyoq kiyimining ostki qismi, tagcharm.

Mahsi charmi. Tufli charmi.

3. sft. Charmdan tayyorlangan, charmdan tikilgan, charm qoplangan.

Charm sumka.

[Mulla Fazliddin] Oyogʻiga charm kavush kiyib, obrez chetida bet-qoʻlini yuvdi. — P. Qodirov, Yulduzli tunlar

Mening ham qutim oʻchib, jon holatda charm suyanchiqni shartta ushlab oldim. — N. Fozilov, Diydor

Yuziga (yoki betiga) charm qoplamoq Or-nomus, vijdonni yigʻishtirib qoʻyib, bezbet boʻlib olmoq. Poshsha xola shunga ham shukur qilib, betiga charm qoplab, istasa-istamasa, kuyovining oldida girdikapalak edi. — D. Nuriy, Osmon ustuniGap boshlasang unga agar tanqiddan, Betiga charm qoplab olar shu zamon. — Mushtum
Charm qoʻlqop ustalari Boksyorlar. Bahslarda toshkentlik yosh charm qoʻlqop ustalari eng koʻp gʻalabaga erishib, birinchi oʻrinni qoʻlga kiritdilar. — Gazetadan