БУРЕНИЕ НАКЛОННО НАПРАВЛЕННЫХ СКВАЖИН

burgʻilash jarayonida quduqning vertikal yoʻnalishini saqlash bilan bir qatorda tabiiy ogʻish jadalligini hisobga olish hamda loyihada koʻrsatilgan burchak ostida sunʼiy ogʻdirib burgʻilash. Q.y.q.b. quyidagi hollarda amalga oshiriladi: turar-joy va sanoat ishlab chiqarishi rivojlangan maydonlar, botqoqliklar ostidagi, qirgʻoqdan turib dengiz, daryo, okean suvi ostidagi neft va gaz uyumlarini ochish va h.k. (B.5-rasm). Q.y.q.b.da asosan ogʻdirish (qiyshaytirgich) vositalaridan foydalaniladi. Oʻzbekistonda va sobiq Ittifoqda tuzilishi oddiy va samarali boʻlgan turboburlar qoʻllaniladi. Rotorli burgʻilashda sunʼiy ogʻdirish amalga oshirilmaydi. Ogʻdiruvchi sifatida BQBga oʻrnatilgan egri quvur, egri yoʻnaltirgich, ekssentrik (umumiy markazga ega boʻlmagan) nippel va R-1 turidagi vositalardan foydalaniladi. Egri quvur oddiy burgʻilash quvuridan tayyorlanadi. Egiklik burchagi 3—5° boʻlib, egilgan joy tagidan 1,5 m masofada boʻladi. Diametri 145 yoki 168 mm li burgʻilash quvurlaridan yasaladi. Egri quvur quduqni qiyshaytirish uchun zarur. Egrilik har 100 m chuqurlikda 3° dan, quduqni hamma chuqurligi uchun 20°dan oshmasligi kerak. Bunday chegaralanish egri quvurlar mustahkamligining kamligi bilan bogʻliq. Egri yoʻnaltirgichning katta mustahkamlikka egaligi va BQBdan tushayotgan ogʻirlikka bogʻliq boʻlmaganligi burgʻilash ishlarida keng qoʻllanilishini taʼminlaydi. Yoʻnaltirigichning, Qiya yoʻnalgan quduqlarni burgʻilash