БУРЕНИЕ МОРСКОЕ

сув остида жойлашган фойдали қазилма конларини разведка қилиш ва ишлатиш мақсадида қудуқларни бурғилаш. Д.б. асосан денгиз қирғоғидан бир неча километр масофада жойлашган нефт ва газ конларини разведка қилиш, ишлатиш, ер ости конлари геологияси ва геофизикасини ўрганиш мақсадида олиб борилади. Бу ишлар, асосан, металлдан тайёрланган эстакадалар орқали бажарилади. Эстакада ва ёʻл блоклари қирғоқда тайёрланиб, керакли жойга кранли кемалар ёрдамида ўрнатилади. Таянч блоклари бир-биридан 8 м масофада ўрнатилади ва улар пролётлар орқали мустаҳкам темир сексиялар билан амалга оширилади. Бу турдаги эстакада ёки платформалар, асосан, шамол, тўлқин ёки технологик кучланишлар таъсирида бўлади. Муз бўлаклари сузадиган денгизларда платформалар кўп конструксияли, таянч устунлари диаметри 6—12 м қилиб тайёрланади. Бундай устунлар, бурғилаш ва ишлатиш ускуналари музликлар, тўлқинлар ва технологик кучларга бардошли бўлиши керак. Платформалар Қора, Азов ва Каспий денгизларида қурилган бўлиб, бу ерларда сувнинг чуқурлиги 10 м дан 84 м гача боради. Платформалар тўлқин баландлиги 14 м, шамолнинг тезлиги 40 м/с, сув остидаги оқим тезлиги 15 м/с бўлган шароитга мўлжалланади. Платформа блокларини ўрнатиш асосан кўтариш кучи 250 т бўлган кема кранлари орқали бажарилади. Таянч устунлари оғирлиги 220 т бўлган юк билан юмшоқ заминга ботирилади, кейин механик болга билан урилади. Чет эл фирмалари — «Аргус Айленд» ва «Шелл ойл компани» сувнинг чуқурлиги 61—70 м бўлган шелфлар учун платформалар тайёрлайди. Бундай платформалар ёрдамида Бермуд ороллари атрофида, Канада ва Ақшнинг арктика қисмларида бурғилаш ишлари олиб борилмоқда. Платформаларнинг ўртача оғирлиги 1800—3620 т атрофида., Денгизда бурғилаш