бурч

burch

1 та луғатда: Изоҳли яна 8 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

бурч И

от Адо этилиши, бажарилиши мажбурий бўлган вазифа; мажбурият.

Ватанпарварлик бурчи. Виждон бурчи. Хизмат бурчи. Ҳарбий бурч.

Оналик — хотин-қизларнинг энг муқаддас бурчи деб қаралади. — Саодат

Ерли халқ тилини билиш ўша яшаш жойини инъом этган маҳаллий халққа нисбатан инсоний бурч ва ҳурмат ҳамдир. — Саодат

бурч ИИ

от 1. айн. Бурчак 2, 3.

Казарма қоронғи, унинг бир бурчида кичкина чироқ милтиллар эди. — А. Қаҳҳор, Олтин юлдуз

Шийпоннинг нариги бурчида эса Қобул Комилович соқолини қиртишлаш билан овора. — Ж. Абдуллахонов, Хонадон

2. Чекка, чет.

Ошиқ-маъшуқларга дунёнинг нариги бурчи ҳам бир, оғайни. — П. Турсун, Ўқитувчи

Олдинги тишлари тушганидан, лабининг икки бурчи кириб, юзининг бурушиқлари билан туташиб кетган. — Шуҳрат, Шинелли йиллар

Бу Шарқ кичик эмас, бурчдан бурчига Аранг ярим кунда етади қуёш. — Ғ, Ғулом

Биз тўқиган рўмолнинг Гуллари бор бурчида. — Қўшиқлар