burch

ot Ado etilishi, bajarilishi majburiy boʻlgan vazifa; majburiyat.

Vatanparvarlik burchi. Vijdon burchi. Xizmat burchi. Harbiy burch.

Onalik — xotin-qizlarning eng muqaddas burchi deb qaraladi. — Saodat

Yerli xalq tilini bilish oʻsha yashash joyini inʼom etgan mahalliy xalqqa nisbatan insoniy burch va hurmat hamdir. — Saodat

ot 1. ayn. Burchak 2, 3.

Kazarma qorongʻi, uning bir burchida kichkina chiroq miltillar edi. — A. Qahhor, Oltin yulduz

Shiyponning narigi burchida esa Qobul Komilovich soqolini qirtishlash bilan ovora. — J. Abdullaxonov, Xonadon

2. Chekka, chet.

Oshiq-maʼshuqlarga dunyoning narigi burchi ham bir, ogʻayni. — P. Tursun, Oʻqituvchi

Oldingi tishlari tushganidan, labining ikki burchi kirib, yuzining burushiqlari bilan tutashib ketgan. — Shuhrat, Shinelli yillar

Bu Sharq kichik emas, burchdan burchiga Arang yarim kunda yetadi quyosh. — Gʻ, Gʻulom

Biz toʻqigan roʻmolning Gullari bor burchida. — Qoʻshiqlar