burama

бурама

6 ta lugʻatda uchraydi JSON Shevalarda Barcha qidiruv natijalari

Izohli lugʻat

burama

sft. 1. Spiral shaklda buralgan, oʻralgan; buralma.

kichkina burama moʻylovli yigit hech qayerda koʻrinmasdi. — S. Siyoyev, Avaz

Ayniqsa kattakon burama karnay ovozi ajralib turardi. — H. Nazir, Koʻkterak shabadasi

Ular burama soʻqmoqdan zanjirdek oldinma-ketin borishar(di) — S. Karomatov, Oltin qum

Shahzoda Moʻmin qatlxonaga olib chiqadigan burama zinapoyadan devorni ikki qoʻli bilan siypab, sekin orqaga tislanmoqda. — F. Joʻrayev, Obid Jalilov

2. Burab ochilib-yopiladigan; vintsimon; vintli.

Darvozabon otning kallasidek keladigan burama qulfga uzun kalitni solib, anchagacha buradi-da, darvozani ochdi. — M. Osim, Oʻtror

Hasanali hujraning uzun burama qul-fini ochib, ichkariga sham yoqdi va bekning toʻshagini yozib, uning kirib yotishini kutib turdi. — A. Qodiriy, Oʻtgan kunlar

3. Girdob, uyurma.

Etakda Sir toʻlib, oʻqtin-oʻqtin buramalar hosil qilib, toʻlgʻanib oqmoqda. — Y. Shamshirov, Yengish

4. ayn. Burma 1, 2.

Burama koʻylak kiyibsiz, Sevikli ukam, yor-yor. — Qoʻshiqlar

5. koʻchma Teskari maʼnoli, kinoyali; achchiq.

Burama gap qilmoq.

Burama mix Sherbek ichkariga sirgʻanib tushdi-da, devor tagiga bekina qoldi. Endi sharmanda boʻldim, degan fikr mahkam yopishib, miyasini burama mixday parmalay boshladi. — S. Anorboyev, Oqsoy

Oʻzbekcha-turkcha izohli lugʻat

BURAMA

1. Spiral yoki vint shaklidagi buralgan, oʻralgan burama.YİVLİ

2. Girdob, uyurma.

Ruscha-oʻzbekcha va oʻzbekcha-ruscha lugʻat

burama

винтовой, винтообразный, спиральный