bujgʻun
бужғунbujgʻun
ot 1. Qayragʻochning bir turi, tanasi qattiq daraxt.
Zokir ota beliga teshasini qistirib, bujgʻun va qurigan yongʻoq shoxlaridan oʻtin tayyorlashga kirishdi. — Gʻayratiy, Yoshligimiz
Tosh boʻlsang ham, yoraman, Chinor boʻl yoki bujgʻun. — Q. Muhammadiy
2. Pista daraxtining magʻiz qilmay bujmayib qolgan mevasi (xalq tibbiyotida va boʻyoqchilikda ishlatiladi).
Tabib qoʻy jigarini ham kabob qilib, bujgʻun sepib yeng, degan ekan, bir-ikki qilibdi, lekin dardi shifo topmabdi. — M. Ismoiliy, Fargʻona tong otguncha
3. Oʻsimliklar tanasining turli qismlarida koʻpincha virus, bakteriya, zamburugʻ, hasharotlar taʼsirida hosil boʻladigan gʻurralar.
Bujgʻun, asosan, pista, qayragʻoch kabi daraxt barglarida hosil boʻladi. — OʻzME
Baʼzan serkoʻz, bujgʻun qayragʻochlarni egish juda qiyin boʻlardi. — H. Nuʼmon va A. Shorahmedov, Ota
- Bujgʻun soʻyil Bujgʻun yogʻochidan yasalgan, uch tomoni ogʻir va yumaloq shaklli urush quroli; yoʻgʻon tayoq. ertasiga yer ostida yelkasiga uch botmonlik choʻyan gurzi, qoʻlida bujgʻun soʻyil ushlagan barzangi munkarnakir paydo boʻldi. — Mirmuhsin, Qahramonnoma
- Bujgʻun tayoq Bujgʻun yogʻochidan yasalgan tayoq, hassa. Qoʻlga olib bujgʻun hassasini — A. Muxtor, AsarlarEng oldinda bir nuroniy qalandar anvoi rang-barang lattalar beliga bogʻlangan, qoʻlida boshi qaynab bitgan bujgʻun tayoq — Gʻ. Gʻulom, Shum bola
Bujgʻun
галлы