БУФЕРНЫЕ ЖИДКОСТИ

қудуқларни сементлаш жараёнида қудуқ деворини тозалаш ва иккита ёки ундан кўпроқ, бир-бири билан муддатидан илгари аралашиб кетадиган суюқликларни ажратиш учун ишлатиладиган ва махсус тайёрланадиган суюқлик. Мқбни қудуққа туширгандан сўнг унга бурғилаш эритмаси ва семент қоришмаси ҳайдалади, қатламларга кислота (Ҳкл ёки Ҳ₂СО₄) билан ишлов берилади. Бундай вазиятларда ўзаро аралаша олмайдиган суюқликлар инерт — Б.с. билан ажратилади. Мас., семент қоришмасини бурғилаш эритмасидан ажратиш учун уларнинг хоссаларидан келиб чиқиб махсус кимёвий элементлар қўйилган техник сувдан фойдаланилади. МҚБ ичидаги ва қувур ташқи бўшлиғидаги бурғилаш эритмасини Б.с. билан сиқиб чиқаришда унинг зичлиги эритма зичлигидан юқори ёки унга тенг қилиб олинади. Бундай ҳолларда улар ўзаро аралашиб кета олмайди. Қудуқни ундаги эритма қолдиқларидан тозалаш учун сиқиб чиқариш қобилияти ва физик-кимёвий фаоллиги юқори бўлган Б.с. мажмуасидан фойдаланилади. Б.с. қудуқ деворларига қанчалик узоқ вақт таъсир эца, унинг самараси шунча юқори бўлади. Қудуқ кесимидаги тоғ жинсларининг хусусиятларига, геологик-техник шароитларига боғлиқ ҳолда турли-туман бурғилаш эритмалари ва семент қоришмаларидан фойдаланилади, бу ўз навбатида қўлланиладиган Б.с. турларини ҳам белгилайди (Б.5-жадвал)., Буфер суюқликлари