boʻyoqchi

бўёқчи

5 ta lugʻatda uchraydi JSON Shevalarda Barcha qidiruv natijalari

Izohli lugʻat

boʻyoqchi

ot 1. Ip, ipak va shu kabilarni boʻyovchi, ularga rang beruvchi usta, rangvorchi.

Boʻyoq-chining boʻyoqchiligi qoʻlidan maʼlum. — Maqol

Singlisi Oyjamol plastmassa sexida mehnat qiladi. Umr yoʻldoshi Sadriya ham shu yerda boʻyoqchi. — Gazetadan

2. Sirkor usta, uy sirlovchi, boʻyovchi mutaxassis.

Saodatning nazarida bu choʻqqilarni goʻyo boʻyoqchilar ataylab pushti rangga boʻyab qoʻyganga oʻxshaydi. — I. Rahim, Ixlos

Bunda [institutda] qorovul-u hovlida ishlayotgan boʻyoqchilardan boʻlak hech kimsa yoʻq edi. — Mirmuhsin, Umid

Boʻyoqchining nilimi Qiyin ishni oson fahmlab, tez bitirib berishni talab qilgan kishiga bu siz oʻylaganday oson ish emas, degan maʼnoda aytiladigan ibora.
Boʻyoqchining xumi aynidi El orasida tagi-tugi yoʻq mish-mish tarqalganda aytiladigan ibora (ilgari boʻyoqchi ustalarning xumi, nili aynisa, irim uchun xalq orasida biror yolgʻon gap, xabarni tarqatar edilar. Goʻyo shunday qilinsa, boʻyoq aynimaydi, deb tushunardilar).

Ruscha-oʻzbekcha va oʻzbekcha-ruscha lugʻat

boʻyoqchi

красильщик