бойлик

от 1. Бой бўлишлик, бой мавқейи; мол-мулкнинг йиғиндиси, мажмуи; мўллик.

Ота бойлиги ерга сингар, Меҳнат бойлиги — элга. — Мақол

Бу йигит яхшигина давлатманд бўлса ҳам нима учундир, бойлиги билан бўлмай, Ҳомид хотинбоз деб шуҳратланган. — А. Қодирий, Ўтган кунлар

Ҳовли саҳнига, айвонларга сеп ёʻйилди. Сепнинг бойлиги, тури, ранг-баранглиги ҳаммани ҳанг-манг этди. — Ойбек, Танланган асарлар

Йирикроқ тошлар ҳукмронлик ва бойлик ифодаси саналган. — С. Кароматов, Олтин қум

2. Дунё, давлат, мол-мулк.

Муҳаббат бойликка боқмас. — Мақол

Рўзғор ўлчов билан, Бойлик тежов билан. — Мақол

Ўн олти минг қўй, икки ярим минг йилқи ҳазилакам бойлик эмас. — П. Қодиров, Юлдузли тунлар

Бойлик бор жойда самимийлик ўрнини сохталик эгаллайди. — Ф. Мусажонов, Ҳиммат

3. Табиий, моддий ресурслар мажмуи.

Ер ости бойликлари. Моддий бойликлар. Табиий бойликлар. Қазилма бойлик.

Эндиликда Ўзбекистон улкан табиий бойликлар, кўпдан-кўп ноёб саноат маҳсулотлари ватанидир. — Саодат

Ўлкамиз табиий бойликларини ўрганиш ишига нуфузли олимларимиз салмоқли улуш қўшмоқдалар. — Газетадан

Эндиликда инсониятга зарур моддий бойликларнинг учдан икки улуш и аёл қўли, аёл ақл-заковати билан яратилади. — Газетадан

4. Ақлий, руҳий, маънавий фаолият ҳосиласи, мажмуи.

Миллий бойлик. Маданий бойлик. Маънавий бойлик. Ақлдан ортиқ бойлик ёʻқ. — Мақол

Тарихий ва маданий ёдгорликлар — бизнинг миллий бойлигимиз, чексиз фахримиздир. — Газетадан

Халқ ўз тилини энг улкан миллий бойлик сифатида асраши керак. — Газетадан