БОЙЛЕР (НАГРЕВАТЕЛЬ ВОДЫ)

Бойлер (сув иситгич) — суюқликни (сув, суюқ моддалар, сувли эритмалар ва ҳ.к.) иссиқ сув ёки буғ билан иситувчи трубкали иссиқлик алмаштиргич. Буғ билан иситилганда трубкалардан иситиладиган суюқлик асосан, сув ўтади, трубкалараро бўшлиқдан эса буғ юборилади. Буғ ўзининг иссиқлигини трубка орқали суюқликка бериб совийди, сўнгра конденсацияланиб, яъни суюқликка айланиб, B.ning остки қисмига тушади. Йиғилган буғ конденсати қайта иситиш учун қозонга юборилади ёки бошқа мақсадлар учун ишлатилади. B.ning иссиқлик тармоқларига юбориладиган сув турбиналардан олинадиган буғ билан иситилади. Нефт ва газни қайта ишлаш корхоналарида Б. асосан хом ашёни (нефт, газ конденсати ва ш.к.) тўғридан тўғри ҳайдаш, ректификация, газни компонент-ларга ажратиш, десорбсия минораларида (колонналарида) қиздириб туриш учун ишлатилади.