bostirma

бостирма

1 ta lugʻatda: Izohli yana 4 ta lugʻatda — hammasini koʻrish JSON Shevalarda Barcha qidiruv natijalari

Izohli lugʻat

bostirma I

ot Toʻrt tomoni yoki ikki yoni va old tomoni ochiq, usti yengilgina yopilgan qurilma, (usti yopiq uzun) yoʻlak.

Bostirma solmoq. Yomondan hayvon yaxshi, Bostirmadan — ayvon. — Maqol

Yoʻlakning oʻng tomonidagi bostirmada qovurgʻasi sanalib qolgan targʻil sigir bilan shalpangquloq buzoq. — Yoshlik

Har zamonda hovlining narigi burchagidagi bostirmadan qoʻy-mollarning maʼragan ovozlari quloqqa chalinadi. — Yoshlik

Dadam egardan inqillab tushib, otni bostirma ustuniga bogʻladi. — Oʻ. Usmonov, Sirli sohil

Shoyista bostirmadan oʻtib, keng-moʻl supaga chiqdi. — N. Qilichev, Yorongul

bostirma II

ot Taomni ustidan mahkam bekitib, biror ogʻir narsa bostirib qoʻyib pishirish usuli va shunday usulda pishirilgan taom.

Bostirma kabob.

Bostirma kabob uchun qoʻy yoki buzoq goʻshtining son yoki biqin qismlaridan olasiz. — K. Mahmudov, Oʻzbek tansiq taomlari

Fargʻona, Margʻilon taraflarda goʻja oshi, bostirma kabob va shu kabi taomlar mashhurdir. — K. Mahmudov, Oʻzbek tansiq taomlari