bosqon

ot Temirchilarning katta, ogʻir bolgʻasi.

Bir yil oʻtgach, olov yonida turib, bosqon bilan qizigan temirni ura boshladi. — M. Osim, Oʻtror

— Yuragim temirchining bosqonidek gursillab urardi,— dedi Mehri opa. — A. Eshonov, Dutor

Hech qanday tigʻ, hech qanday bosqon, hech qanday qurol inson saxovatining qudratiga teng kela olmay-di. — Gazetadan

ot Chilangarlar koʻrasidagi koʻraga havo haydovchi va koʻmirning yonishini kuchaytirishga xizmat qiluvchi qurilma.

Bosqon bosmoq. Bosqon tortmoq.

Miskarning yonida oʻtirib, terlaganiga ham qaramay bosqon tortayotgan jamalak sochli olti yashar qiz — Al-Mahdiyning yetim nabirasi. — Mirmuhsin, Hikoya va qissalar

Ustaxonada oʻzi bilan katta oʻgʻli Boltaboy ishlar, bosqon bosardi. — J. Sharipov, Xorazm

Saidning koʻz oʻngidan yoshligida qishlogʻiga kelgan miskarlar, ularning bosqoni va shu bosqonning dami bilan yaltillagan bir hovuch olov oʻtdi. — Y. Muqimov, Olov va nihollar

Temirchilarning katta ogʻir bolgʻasi.BALYOZ

кузнечный мех