босқич

bosqich

4 та луғатда учрайди ЖСОН Шеваларда Барча қидирув натижалари

Изоҳли луғат

босқич

от 1. Зинанинг ёки нарвоннинг ҳар бир поғонаси.

Мадраса ичига бормай, ўша ерда бир тош босқичга отам қадам босди. — С. Айний, Эсдаликлар

2. Кўчма Ўзаро боғланган қуйи ва юқори идора, муассаса, ташкилот ва шу кабиларнинг ҳар бир поғонаси, ҳалқаси.

3. кўчма Даража, разряд.

4. кўчма Тарихий, маданий-маънавий, иқтисодий тараққиёт, ривожланишнинг белгили бир поғонаси; давр, палла.

Бирон-бир босқич ўртасида турган халқ орасида аввалги босқич кишилари кўриниб қолса, бунга табиий бир ҳол деб қараш керак, деган фикрни айтдим. — Гулдаста

Одамлар фан-техникани инсон кўзи кўрмаган, қулоғи эшитмаган босқичларга олиб чиқдилар. — Н. Сафаров, Оловли излар

Ҳақиқатан ҳам Навоий форсий девони билан Жомийдан сўнг форс-тожик адабиётини янги бир босқичга кўтарди. — ЎТА

Маънавий камолот босқичлари ичида хушмуомалалик, ширинсуханлик асосий ўринни эгаллайди. — Саодат

5. Бирор яхлит иш-ҳаракатни амалга оширишнинг айрим-айрим даврлари ҳақида.

Бош планга кўра, Қарши даштини ўзлаш-тириш уч босқичда амалга оширилади. — Ўзбекистон қўриқлари

Республикамиз меҳнаткашлари пахта йиғим-теримида ҳал қилувчи босқичга кирдилар. — Газетадан

Реконструксиянинг биринчи босқичи ниҳоясига етганлиги натижасида самолётларнинг учиш хавфсизлиги анча ошди. — Газетадан

6. биол. тиб. Биологик ривожланиш поғонаси, даври.

Абдураимовдан турли босқичларда шолига қандай ишлов беришни ўрганишди. — Ўзбекистон қўриқлари

Улар [олимлар] медиклар билан бирга одамдаги турли касалликларни эрта босқичларда топишнинг диагностик модели ва программасини ишлаб чиқдилар. — Газетадан