bosib-bosib

1. takr.s. Koʻp-koʻp, toʻldirib-toʻldirib.

Bittasidan bir qop olma olar edim, Anorlardan bosib-bosib solar edim. — A. Muxtor, Asarlar

Ichmayman deganimga qaramay, bosib-bosib beraverdilaring, eshikka chiqsam, koʻnglim aynidi. — Gʻayratiy, Yoshligimiz

Boʻtani tezroq badnom qilaylik desangiz, hozir cholga bosib-bosib ichirasiz. — S. Ahmad, Hukm

Valixon kayfini tarqatish uchun bosib-bosib koʻk choydan ichdi. — Sh. Toshmatov, Erk qushi

2. Tez-tez, paydar-pay, qonib-qonib.

Rangsiz yigit esa nima deb javob qilarini bilmay, qoʻlidagi achchiq choyni bosib-bosib hoʻplay boshladi. — Sharq yulduzi

Poyezd joʻnash oldidan bosib-bosib qichqirdi. — A. Eshonov, Bir ogʻiz soʻz