бошпана

от 1. Турар жой; уй.

Ўша пайтларда, уйсиз-жойсиз, бирор раҳнамосиз юрган кезларимда орзу қилардимки, токи менинг ҳам бир бошпанам бўлса. М. — М. Дўст, Лолазор

одамзод умр бўйи бошимда бир яхшироқ бошпанам бўлсин деб, тинмай елиб-югуради. — Н. Қиличев, Чиғириқ

Ҳар оила ўчоғин ўз қутлуғ тарихи бор, Ҳар бошпана — кишилар меҳнатин обидаси. — Ғ, Ғулом

2. Жон сақлаш, яшириниш ёки вақтинча истиқомат қилиш учун яроқли жой; паноҳ, маскан.

Онаси қамоқдан қутулиб чиққан ўғлини кутиб олмади Унга бошпана керак эди. — Ёшлик

Хуллас, бошпана бўлгулик ғор ҳам, бошқа бирор ўнгир ҳам топилмади. — Ёшлик

Қишлоққа етишдан умидимни уздим. Бошпана истаб, у ёқ-бу ёққа алангладим. Ў. — Ҳошимов, Кўприк