boʻrtmoq

fl. 1. Amal olmoq; koʻkara boshlamoq; unmoq.

Bahor oʻriklar oppoq gulladi, olcha novdalari munchoq-munchoq boʻrtdi. — Mirmuhsin, Hikoyalar va qissalar

Qor ketdi va zaminda Boʻrtdi ilk giyoh. — Yoshlik

2. Koʻtarilib chiqmoq, turtib chiqib turmoq.

Sobir akaning chakka tomirlari boʻrtib chiqqan, koʻzlari ichga botgan. J. Sharipov, Xorazm.

U umr boʻyi koʻksini berkitmagan, anordek qizgʻish koʻksidagi suyaklar boʻrtib chiqib turardi. — Mirmuhsin, Umid

boʻyi choʻzilib, koʻkraklari boʻrtib chiqqan goʻzal qiz. — Mirmuhsin, Meʼmor

Bu tor, tarang kiyimda uning kelishgan qomati yanada boʻrtib turardi. — S. Siyoyev, Otliq ayol

Yongʻoqning yuzaga boʻrtib chiqqan yoʻgʻon ildizi ustida ikki yosh oʻtiribdi. — Yoshlik

3. Qizarib shishmoq, andak shishmoq.

Saltanatxon koʻchaga chiqqanda, ikki yuzi qizarib, boʻrtib turardi. — Mushtum

Marziya xola issiqdan yuzlari boʻrtib ketgan nevarasini bagʻriga bosdi. — S. Zunnunova, Goʻdak hidi

4. koʻchma Yorqin koʻrinmoq, namoyon boʻlmoq; uygʻonmoq.

Bunda qarindoshchilik munosabatining davr yoʻrigʻiga xos tovlanishlari boʻrtib turadi. — OʻTA

Choʻkkalab ichaman hovuch-hovuch suv, Dillarda yashamoq ishqi boʻrtadi. — Gazetadan

1. Koʻkara boshlamoq, unmoq.PÖRTLEMEK

2. Turtib chiqmoq.

припухнуть, вздуваться, вспучиваться

v swell

1. bórtiw, ónip shıģıw, kógeriw

2. qızarıp isiniw

(an)schwellen vi, s