boʻrsillamoq

fl. 1. Yetilib, boʻshashib koʻpchimoq, semirmoq.

Kechagi yomgʻirdan keyin boʻrsillab yotgan hovliga yalangoyoq sakrab tushdi. — Oʻ. Hoshimov, Qalbingga quloq sol

Kechagina paxtalar bodroqday ochilib yotgan maydonlar shudgordan keyin qor ostida boʻrsillab yotibdi. — Gazetadan

Poylab dehqon yoʻlini Boʻrsillaydi boʻz tuproq. — A. Suyun, Olis tonglar

2. Issiqdan yoki tez harakatdan terlab-pishib ketmoq.

Oʻrinboy ham velosipedda qarsillab-boʻrsillab kelib qoldi. — H. Nazir, Koʻkterak shabadalari

Qoʻpol botinkasini doʻqillatib, issiqda boʻrsillab-harsillagan Ahmad keldi. — H. Nazir, Yonar daryo