boldoq

ot 1. Koʻzsiz silliq uzuk.

2. ayn. Zirak.

Naziraning yelkalari, boshidagi zar roʻmoli, quloqlaridagi boldoqlari yaltiradi. — S. Ahmad, Ufq

Zubaydani chindan ham qoʻgʻirchoq qilib yasatishgan edi: quloqlarida oltin boldoqlar, barmoqlarida gavhar koʻzli tilla uzuklar. — K. Yashin, Hamza

3. koʻchma Oʻsimlik va daraxtlarning boldoq kabi osilib turgan qismi (koʻsak, yaproq va boshqalar).

Uning [Mamatning[ oʻtkir koʻzlari oldida bepoyon paxtazorlar kumush boldoqlari bilan jilmayib koʻrinadi. — Sharq yulduzi

4. Baʼzi narsalarni mahkamlash uchun ularga kiydiriladigan halqa.

Qilich boldogʻi.

5. shv. Hassa, qoʻltiqtayoq.

Boldoqqa suyanib yurmoq.