бирма-бир

1. Тартиби, гали билан, бирин-бирин, бирин-кетин, кетма-кет.

Ғиштларни бирма-бир олишган эди, олтин тўла хумнинг оғзи кўринди. — С. Юнусов, Кутилмаган хазина

Манзура опа ҳар бир синфга кириб, болаларнинг тозалиги борми, кундалиги борми — бирма-бир текшириб чиқдилар. — Э. Раимов, Ажаб қишлоқ

Сафаров уларни кузатиб қайтди ва аризаларни бирма-бир кўздан кечирди. — А. Қаҳҳор, Асарлар

2. Бирор воқеа-ҳодисанинг бутун тафсилоти билан, битта-битта, битталаб.

Элмурод бўлиб ўтган суҳбатни бирма-бир гапириб бермоқчи бўлиб ўйланиб, қоғозга ёзди. — П. Турсун, Ўқитувчи

3. Ҳар бирини алоҳида-алоҳида, якка-якка, битта-биттадан, битталаб.

Комиссия ёш ўқитувчиларни бирма-бир чақириб суҳбатлашишга ва уларнинг қаерда, қандай вазифада ишлашини белгилаб беришга киришди. — П. Турсун, Ўқитувчи

Ахир қирқ-эллик хонадоннинг молини бирма-бир уйга элтиб бериш осонми? — Ойдин, Ҳикоялар