БИОГРАФИЧЕСКИЙ МЕТОД

biografik metod; psixologiyaning ilmiy tekshirish metodlaridan biri boʻlib, uning yordamida shaxsning ijodiy xayoli, ijodiy tafakkuri, matonati, qobiliyat va isteʼdodlari, talanti hamda geniyligi kabi yuksak aqliy, axloqiy, irodaviy sifatlari, individual xususiyatlari oʻrganiladi va ilmiy tahlil qilinadi; muayyan shaxsning avtobiografiyasi, tutgan kundaliklari, xarakteristikasi, yozishmalari, boshqa kishilarning uning haqidagi biografik maʼlumotlari, esdaliklari va xatlari B. m. ning oʻrganish materiallari boʻlib xizmat qiladi. B. m. orqali, odatda, boshqa tekshirish metodlari yordamida aniqlash mumkin boʻlmagan ilmiy maʼlumotlar toʻplanadi.