Былинный стих

bilina sheʼri. Rus xalq epik-qahramonlik qoʻshiqlari — bilinalarga xos sheʼr shakli. Bilina sheʼri oʻziga xos xususiyatga ega boʻlib, rus xalq sheʼrining alohida turi hisoblanadi. Bu alohidalik, birinchidan, uning kuy vositasida ijro etilishi boʻlsa, ikkinchidan, har bir sheʼriy misraning nisbatan teng miqdordagi urgʻuga ega boʻlishida koʻrinadi. Misralardagi urgʻular oʻrni esa ogʻzaki nutq intonatsiyasiga muvofiq tushadi va bu narsa sheʼrga alohida jonlilik bagʻishlaydi. Uchinchidan, bilina sheʼri har qanday holatda ham saqlanib qoladigan oʻziga xos maxsus ritmik tuzilishga ega. Masalan, sheʼriy misra anapest (q. Antichnoye stixoslojeniye) bilan boshlanadi va ikkinchi darajali qoʻshimcha urgʻu olgan daktil bilan tugaydi. Rus sheʼrshunosligida bilina sheʼri A. Vostokov, M. P. Shtokmar va L. I. Timofeev kabi olimlar tomonidan atroflicha tadqiq etilgan.