беланмоқ

фл. 1. Беламоқ И феълининг мажҳул нисбати.

Ноилож бола яна бешикка беланди. — Ғ. Расул, Тўнғич ўғил

Бола онасига кўзи тушиши билан, беланган оёқ-қўлини питирлатганча бўшатишга уринди. — Ёшлик

2. Беламоқ Иифеълининг мажҳул нисбати.

Қонга беланмоқ. Лойга беланмоқ. Чангга беланмоқ. Мойга беланмоқ.

Чол қора қонга беланиб, ерга чалпак бўлиб тушди. — К. Яшин, Ҳамза

Энди у чангга беланиб, тупроққа ботиб юрган гўдак эмасди. — М. Ҳазратқулов, Журъат

Балчиққа беланган қўлларида бир даста бойчечак силкиниб-силкиниб келар эди. — Ў. Ҳошимов, Қалбингга қулоқ сол

3. кўчма Қопланмоқ, чулғанмоқ, тўлмоқ.

Катта бинолар пештоқида сон-саноқсиз лампочкалар маржони порлади, арчалар нурга беланди. — Ў. Ҳошимов, Қалбингга қулоқ сол

Осмон самовий нурларга беланиб, музайян бўлди. — Шарқ юлдузи

4. Кийинмоқ; ўранмоқ, кўмилмоқ.

Муқарриблар кимхобларга, хитойи шоҳиларга беланиб киришди. — Ойбек, Навоий

Оққа мунча беланибди у одам? — Ҳ. Олимжон

в be smeared, smear oneself, be dressed

bóleniw, qaplanıw

sich beschmieren, sich besudeln, sich beschmutzen, schmutzig werden

у қонга беланган эди er lag in seinem Blute