беҳузур
behuzurбеҳузур
сфт. Безовта, ҳаловациз.
Туни билан алоқ-чалоқ туш кўриб чиққани учунми, ўзини беҳузур сезди. — Ёшлик
- Беҳузур бўлмоқ Ўзини алланечук ёмон ҳис этмоқ. [Элмурод] Беҳузур бўлиб, саратон иссиғига чидамаган семиз одамдай тўлғанди. — П. Турсун, Ўқитувчи
- Кўнгли беҳузур бўлмоқ Кўнгли алланечук ёмон бўлмоқ. Денисов кўнгли беҳузур бўлиб, қаттиқ ўхчиди. — Ойбек, Олтин водийдан шабадалар
- Кўнглини беҳузур қилмоқ Кўнглини айнитиб, алланечук ёмон аҳволга солмоқ. Тўғрисини айтганда, гап тинглаш ҳам кўнгилни беҳузур қилади. — А. Қодирий, Обид кетмонНусратбекнинг томоғи ачишди, аччиқ тамаки ҳиди ва тахир таъми кўнглини беҳузур қилди. — С. Нуров, Майсаларни аёз урмайдиИлиққина сув юрагини оздириб, кўнглини беҳузур қилди. — Саодат