begʻubor

sft. 1. Chang-gʻubordan, ifloslikdan xoli; musaffo, toza.

Zangori osmon ham shunday tiniq, shunday begʻuborki, koʻzni oladi. — Oybek, Tanlangan asarlar

Begʻubor, mayin shabada esadi-yu, odamlarni bogʻ-u rogʻlarga chorlaydi. — Gazetadan

Osmon koʻnglim kabi keng, Koʻnglim kabi begʻubor. — E. Vohidov, Muhabbat

2. koʻchma Koʻnglida yomonligi, kiri yoʻq; pok, sofdil, sidqidil.

Begʻubor yigit.

Yuzidan mehr yogʻilib turgan bu ajoyib, sodda, begʻubor qizga shartta uylanib, oyimni baxtiyor qilishga nima xalaqit beradi? — A. Muxtor, Asarlar

Tolibjon bu sodda va lekin begʻubor kishilarning oʻzlaridek begʻubor suhbatlariga kulib-kulib, quloq solib oʻtirar edi. — S. Ahmad, Jimjitlik

3. koʻchma Dogʻ tushmagan, pokiza.

Elmurod qarshisida chugʻurlashgan, koʻzlari tiniq, qalblari begʻubor bolalarning har birini quchoqlab, yuzlaridan oʻpgisi keldi. — P. Tursun, Oʻqituvchi

Doʻppimni yerga olib, endi oʻylab qarasam, Yoshlik degani asli poklik ekan, begʻubor. — A. Oripov

1. Chang gʻubordan xoli; sof, musaffo.BERRAK, TEMİZ

2. SAFDİL

1. (sof)rein, sauber, durchsichtig, transparent

2. klar, eindeutig

1. чистый

2. добрый, простодушный (о человеке)

a dust-free, unsoiled, clean, transparent, pure, immaculate, pure-hearted, unblemished

1. taza, shańsız, girbińsiz

2. awıs. haq kewil, pák, kewlinde kiri joq

3. awıs. daq túspegen

fig. ruschaчистый, ясный, с открытой душойinglizchafair, just, open heartedlyfransuzchapropre, pur, limpide, transparent, au coeur pur, honnêtearabchaنَظِيفٌ