баъзан

рвш. 1. Ҳамма вақт ҳам эмас, ҳар замон-ҳар замонда, аҳён-аҳёнда, гоҳ-гоҳида.

Ёʻлчи: Хўжайинларникига бориб турасизми? [Абдишукур:] Баъзан бориб тураман. — Ойбек, Танланган асарлар

Ҳа, баъзан шундай шўхлик ҳам қилиб туриш керак. — П. Турсун, Ўқитувчи

У [меъмор] баъзан кампирга ҳам дағдаға қилиб қоларди. — Мирмуҳсин, Меъмор

2. Айрим ҳолларда, баъзи вақтларда.

Баъзан Гулнорнинг юраги тошиб, бутун дардини, яраларини Унсинга очишни истайди. — Ойбек, Танланган асарлар

Меъмор баъзан шундай узоқ хаёлларга борарди. — Мирмуҳсин, Меъмор

3. боғл. Гапнинг уюшиқ бўлакларини боғлаш учун қўлланади.

[Ёʻлчи] Баъзан Қоратойнинг ишхонасида, баъзан чойхонада тунаб юрди. — Ойбек, Танланган асарлар

Ёʻлчи баъзан ёлғиз, баъзан ўз ёнига бировни ҳамроҳ қилиб, қанча жар, қанча қўрғон ва қулоқларни кезиб, сув келтирар эди. — Ойбек, Танланган асарлар