барака
barakaбарака
от 1. Бирор нарсанинг (асосан, ноз-у неъматлар, экин ҳосили) кутилган даражадан мўллиги, сероблиги.
Барака кўтарилди. Барака ёʻқолди. Жанжалли уйда барака бўлмас. — Мақол
Ғўза чилла сувига қонсагина, хирмонга барака киради. — Газетадан
2. Оллоҳ берувчи насиба, неъмат; эҳсон.
— Худо барака берсин, тераверинглар! — деб фотиҳа берди. — М. Исмоилий, Фарғона тонг отгунча
Худо умрингга, молингга барака берсин. — Ҳамза
3. Бирор нарса ёки ҳаракатдан келувчи фойда, наф; самара, унум.
Қайтган молда барака бор. — Мақол
Йиғлама, йиғидан ҳеч ким барака топган эмас! — А. Қаҳҳор, Оғриқ тишлар
Мени олиб нима барака топдинг? Нуқул ғавғога қоласан. — Ёшлик
4. кўчма с.т. Қўшалоқ кўсак ва шундай кўсакда очилган пахта; қўшалоқ мева.
Этакка ёпишган тўнғизтароқларни юлиб ташлаб, барака қидиришлари ҳам, ғўзалар орқасига яшириниб олганча, қизларга хом кўрак отиб шўхлик қилишлари ҳам — ҳамма-ҳаммасида алланечук қувноқ, зинҳор-зинҳор қайтиб келмас орзулар бор эди. — Ў. Ҳошимов, Қалбингга қулоқ сол
- Баракаси кетди ёки барака кўтарилди Сероблиги ёʻқолди, мўллиги барҳам топди. Бир кун жанжал чиққан уйдан қирқ кун барака кўтарилади. — Мақол
- Хирмонга барака! Хирмон кўтараётганларга ҳосил мўл бўлсин! маъносида айтиладиган тилак.
- Қўлида барака ёʻқ ёки қўлининг баракаси ёʻқ Тежаб-тергаб, ўринли сарф қила олмайдиган киши ҳақида.
- Барака топ (кўр) “Кам бўлма“, омадингни берсин маъносида айтиладиган олқиш, ундов.
- Бор барака, бор барака топ, барака де(нг), барака қил(инг) Олди-сотди савдосида сўралаётган нархга хўп денг маъносида ишлатиладиган ибора. Қани, ҳа, ука, барака де, барака делардан кейин ярим соатча савдолашиб, молни бир сўм ўн тийинга сотдик. — Ғ. Ғулом, Шум болаҚўлни беринг, боринг, барака топинг, олти юз. — С. Нуров, Нарвой
- Борига барака Борига шукур, бори ҳам етиб қолар. Борига барака, у ёғини оғзаки боплайман. — А. Қаҳҳор, Асарлар