баҳра

от 1. Фойда, манфаат, наф олмоқ.

Дарёлар суви беҳуда оқди. Деҳқон истаганича ундан баҳра ололмади. — Н. Сафаров, Оловли излар

Баҳра ололдими бир зот юраги? Бирор қалб ғуборин юва олдингми? — Э. Воҳидов

2. Лаззат, ҳузур, роҳат олмоқ.

Ўзи сувга қонгач, гўё ғўзалари ҳам ундан баҳра олгандек қувонди. — И. Раҳим, Чин муҳаббат

Табиат яратган мўжизалардан баҳра олмоқ учун инсон соғлом, бақувват ҳамда зукко бўлмоғи зарур. — Газетадан

Унинг ҳаёти эса кулги билан суғорилган, ундан баҳра олган, узоқ умр кўрган санъаткор ҳаётидир. — Т. Обидов, Юсуфжон қизиқ

3. кўчма Илҳомланмоқ, руҳланмоқ; таълим олмоқ.

Ойбек рус шеъриятига кўп мурожаат қилган, ундан баҳра олган ижодкор эди. — Газетадан

Олурман баҳра ҳикматли сўзингдан, Сухандонсан, сухандонсан, сухандон. — Ҳабибий

Нарзи вақти билан ҳаёт мактабидан баҳра олиб, донишманд бўлиши мумкин эди. Н. Сафаров, Оловли излар.

4. кўчма Озиқланмоқ, тўйинмоқ.

Тупроқ намидан баҳра олиб, чигит бир текис униб чиқди. — Ўзбекистон қўриқлари