bahamjihat

rvsh. 1. Bir tan, bir jon boʻlib, bir yoqadan bosh chiqarib, hamjihatlik, ahillik bilan.

Turkiston shahridagi koʻp doʻkondorlar toshkentliklar boʻlib, ular Anorboy degan katta bir boyning qoʻrasini ijaraga olib, shu yerda bahamjihat turishar ekan. — M. Muhammadjonov, Turmush urinishlari

oila hamda keng jamoatchilik bahamjihat ish olib borsagina, koʻzlangan maqsadga erishish mumkin. — Gazetadan

Xorazm elchisi Mahmud Janda Oʻzgan shahriga behisob sovgʻa-salomlar bilan borib, bahamjihat boʻlmoqqa daʼvat etibdur. — M. Osim, Karvon yoʻllarida

2. kesim vzf. Inoq, totuv.

Kelinlarim juda chiqishoq, har ishda bahamjihat. — Oybek, Oltin vodiydan shabadalar

Tan ittifoqda, bahamjihat boʻlishda, ukam. Oraga fitna solish yomon narsa. — Oybek, Tanlangan asarlar

дружный, совместный, единодушный, совместно, единодушно, дружно.

adv friendly, unanimously

tatıw, kelisimli, awızbirshilikli

einmütig, zusammen, solidarisch