бадан

от 1. Тананинг, гавданинг сирти, сиртқи қисми.

Орқада келган Пўлағур манглай рўмоли билан яланғоч баданини артиб, терини қуритди. — А. Қодирий, Ғирвонлик Маллавой

Ёмғирданми, терданми бутун бадани шалаббо ҳўл. — А. Мухтор, Чинор

2. Тана, гавда, вужуд.

Қўнжи тўла сув, кийим-бош жиққа ҳўл, совуқдан бадан қалт-қалт титрайди. — Ойбек, Қуёш қораймас

Кечаси Жаҳонгирнинг баданида оғриқ турди. — Шарқ юлдузи

Йигитнинг лаблари қўлига текканда, Маҳвашнинг аъзойи бадани жимирлаб кетди. — Т. Ашуров, Оқ от