bachkana

sft. 1. esk. Bolalar uchun moʻljallangan (ust-bosh, oyoq kiyim haqida).◆

Bachkana mahsi.

Hayitga narsa olishga ulgurolmaganlar chin arafa kechasi tipirchilab qolar katta-yu kichigining farqiga bormay “mardona“, “zaifona“, bachkana kiyimlarni sotib olar edilar. — M. Muhammadjonov, Turmush urinishlari

2. koʻchma Yosh bolalarga xos boʻlgan, kattalarga, katta yoshdagi kishilarga yarashmagan, kelishmaydigan.◆

Bachkana qiliqlar. Bachkana odam,

Habiba ukasining bachkana qiliqlariga gʻashi kelsayam, indamay qoʻyib berdi. — Q. Kenja, Togʻ yoʻlida bir oqshom

U oʻziga yarashmaydigan bachkana harakatlar qilar edi. — Mushtum

— Xi-xi-xi, — bachkana kuldi chol. — Oybek, Tanlangan asarlar

3. koʻchma Bolalarcha mulohaza yuritilgan; qisqa oʻylangan; yuzaki, xom.◆

Bachkana asar.

Jinoyatchilarning koʻpi bachkana masalalar ustida shikoyat qiladilar. — Gazetadan

U hozirgi bir necha shoirlarning eski shaklda, bachkana mazmunli sheʼrlaridan misollar koʻrsatib, majlisni kuldirdi. — Oybek, Nur qidirib

4. Yarashmaydigan, mos kelmaydigan; soxta.◆

— Tavba. Buvnisa, [paranji] bachkana koʻrinar ekan-a? — dedi. — R. Fayziy, Choʻlga bahor keldi

oʻzlari oʻralashib qolgan bachkana hissiyot va kechinmalarini yuksak grajdanlik pafosiga qarama-qarshi qoʻydilar. — Gazetadan

Bolalarga xos, kattalarga, yarashmagan, kelishmagan; yengiltak.HAFİF, CİDDİ OLMAYAN, BASİT

несерьёзный, несолидный.

a childish, children's, not serious, unfounded

1. balalarǵa arnalǵan

2. jas balalarǵa say, úlken jastaǵılarǵa jaraspaytuǵın, kelispeytuǵın

3. balalarday pikir júrgizgen, qısqa oylanǵan, júzeki

4. jaraspaytuǵın, sáykes kelmeytuǵın

kindisch, nicht ernst, knabenhaft

bachkana qiliq leichtfertige unbedachte Handlung

ruschaнесерьёзный, мальчишескийinglizchanot serious, childish, frivolous, boyishfransuzchad'enfant, infatile, peu sérieux, puérilarabchaوَلَدِيٌّ, صِغَارِيٌّ, وَلَدْنِيٌّ