avtomatlashtirilgan boshqarish tizimi (ABT)

Matematik uslublar, texnik vositalar (kompyuterlar, aloqa vositalari, maʼlumotlarni chiqarish qurilmalari va h.k.) va tashkiliy majmualar toʻplami. U belgilab olingan maqsadga muvofiq murakkab obyekt (jarayon)ni boshqarishni taʼminlaydi. ABT asos va funksional qismlarga boʻlinadi. Asosga axboriy, texnikaviy va matematik taʼminotlar kiradi. Funksional qismga aniq boshqaruv vazifalarini (loyihalash, moliyaviy-hisobot faoliyati va h.k.) avtomatlashtiruvchi oʻzaro bogʻliq dasturlar toʻplami kiradi. Ikki turdagi ABT mavjud. Bular, obyektlar miqyosida avtomatlashtirilgan tizimlar (texnologik jarayonlar uchun – TJABT, korxona uchun – KABT, soha uchun – SABT) va funksional avtomatlashtirilgan tizimlardir. Funksional ABTga loyihalash, hisob-kitob, moddiy-texnika va boshqa taʼminotlar uchun moʻljallangan ABT misol boʻla oladi.английскийautomatized management systemрусскийавтоматизированная система управления (АСУ)