Антропологическая школа

Folkloristika (q.) va etnografiya (q.) fanidagi ilmiy maktab boʻlib, u bir-biri bilan siyosiy-iqtisodiy va madaniy aloqalar jihatidan uzoq, etnik jihatdan qarindosh boʻlmagan xalqlardagi moddiy va madaniy oʻxshashliklarni oʻrganadi. Bu maktab vakillarining fikricha, biror xalqdagi moddiy-madaniy boyliklar tarixiy taraqqiyot bosqichlarida oʻz imkoniyatlari natijasida bunyodga kelgan. Bu narsa ayniqsa xalqlarning ogʻzaki ijodida yaqqol koʻrinadi. Antropologik maktab vakillarining koʻrsatishicha, biror xalq folkloridagi syujetlar har bir xalqning oʻzida mustaqil yuzaga keladi. Bu maktabning yuzaga kelishiga hozirgi fan taraqqiyoti bilan bogʻliq ilmiy tadqiqotlar doirasining kengayishi, Afrika, Janubiy Amerika va Okeaniya xalqlari madaniyati va urf-odatlari boʻyicha yigʻilgan materiallarning ilmiy tadqiqotlarga kiritilishi sabab boʻldi. Antropologik maktabning yuzaga kelishi mifologik va sayyor syujetlar nazariyasini inqirozga olib keldi. Uning vakillari oʻz tadqiqotlarida mifologik materiallardan keng foydalangan boʻlsalar ham, miflarga ikkinchi darajali asos sifatida qaraganlar. Bu maktabning xalq ogʻzaki ijodidagi oʻxshash syujet va motivlar haqidagi ayrim qarashlarini markscha-lenincha folkloristika qabul qilib oldi. Antropologik maktabning asoschilari va yirik namoyandalari ingliz olimlari Edvard Teylor (1832—1917), Jeyms Frezer (1854—1941), shotland olimi Endryu Lang (1844—1912) lar hisoblanadi. Bu maktabning, antropologik maktab