алам

alam

1 та луғатда: Изоҳли яна 7 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

аълам

от 1. Шариат қонунлари билимдони.

2. Шариат қонун-қоидалари юзасидан берилган фатвони тасдиқ ёки рад этувчи диний арбоб; бош муфти.

Маросимга етиб келган қози, мингбоши, аълам, муфти, домла-имомларга ўз мартабаларига қараб аъло, авсат чопонлар кийдирилмоқда. — М. Муҳаммаджонов, Турмуш уринишлари

Ҳасан ака пулни бераверса, аълам чиқиб ўлчаб, васиқасини қилиб бераверади. — Ҳамза, Майсаранинг иши

3. Аълам (эркаклар исми).

Валлоҳи аълам

алам И

от 1. Жисмоний қийноқ; азоб, оғриқ.

Комил калтак аламидан ҳўнг-ҳўнг йиғлаётган боладан яна сўради. — Ҳ. Ғулом, Машъал

2. Руҳий азоб, изтироб.

Ҳижрон алами. Жудолик алами. Алам чекмоқ (тортмоқ).

Биз у вақтлар севги нима, севиш, севилиш нима — буларнинг дард ва алами, завқ ва шавқи нималигини ҳам билмас эдик. — М. Исмоилий, Фарғона тонг отгунча

3. Қасд, ўч, қасос.

Мунча серпичинг бўлиб кетибсиз. Менда шамингиз борми! Шуҳрат, — Шинелли йиллар

4. Ғазаб, нафрат; заҳр.

Алам қилди Эрининг бош қоронғи бўл, эвида бўл-да дегани унга жуда алам қилди, хўрлиги келди, ўпкаси тўлди. — А. Қаҳҳор, Анор
Аламини олмоқ 1. Қасд, ўч олмоқ. — Мени ташлаб кетганингиз аламини Зайнабдан олмасам, кимдан олай, — деди кулиб Кумуш. — А. Қодирий, Ўтган кунларБалки аламини ишдан олгандир? — М. Исмоилий, Фарғона тонг отгунча
Исанинг аламини Мусадан олмоқ Бировдан етган ранж, озор қасдини бошқа, айбсиз одамдан олмоқ.
Аламдан тарқамоқ (ёки чиқмоқ) 2. Қасдини, ўчини олмоқ. [Собирахон:] Йиғладим. ўтириб хат ёздим. Бу билан ҳам аламдан чиқмай, хатни кўтариб, Комила холамнинг олдиларига арзга бордим. — А. Қаҳҳор, ХотинларМингбоши тек ётмаган эди, қизининг аламини чиқариб олиш учун баҳона изларди. — М. Исмоилий, Фарғона тонг отгунчаСиз қўй демаганингизда, оғзи-бурнини дабдала қилиб, бир аламдан чиқай деган эдим. — П. Турсун, Ўқитувчи
Аламини ичига ютмоқ Ғазабини сиртга чиқармаслик, билдирмаслик. аламини ичига ютиб, ҳаловат истайди. — Газетадан

алам ИИ

от 1. эск. кт. Байроқ, туғ.

2. дин. Азиз-авлиёлар дафн этилган мозорга сиғинувчилар томонидан шу мозор дарахтларига боғланган латта.

Эр Ҳуббига бориб, астойдил сиғиниб, шайхларга тўн кийгизди, кекса чинорларга алам боғлади, бўлмади. — С. Аҳмад, Ҳукм

Мақоладаги хато ҳақида хабар бериш