ahvol

ot 1. Muayyan vaqt va sharoitdagi holat; vaziyat.

Vodiydagi ahvol xavotirli edi. — T. Malik, Qaldirgʻoch

Yoʻlchi Qoratoydan zamon ahvolini soʻradi. — Oybek, Tanlangan asarlar

2. Turmush va ish-faoliyatdagi holat; hol-ahvol.

— Ahvolingiz qalay? — Yoʻlchi Shokir otaning ahvolini, tirikchiligini soʻradi. — Oybek, Tanlangan asarlar

Xatda ahvolini ochiq-oshkor aytdi. — S. Zunnunova, Koʻk chiroqlar

Bemorning ahvoli.

Shunday boʻldi devlar ahvoli, Turay desa yoʻqdir hech holi. — Malikayi ayyor

Eʼzozxonning ahvoli ruhiyasini juda yaxshi tushunib olgan Tozagul dugonasining qalbida, ruhida, kayfiyatida yuz bergan oʻzgarishni.. soʻrashga botina olmadi. — H. Gʻulom, Mashʼal