aberratsiya

ot 1. biol. Maʼlum bir navga mansub hayvonlar organizmida (uning tuzilishi yoki funksiyasida) paydo boʻladigan oʻzgalik, oʻzgarish, normadan chetlashish.

2. fiz. Yorugʻlik nurlarining linza orqali oʻtishida linza fokusidan ogʻishi, chetga chiqish hodisasi. Sferik aberratsiya Nurlarning fokusdan ogʻishi natijasida tasvir chetlarining xiralashib, chaplashib tushishi. Xromatik aberratsiya Quyosh va sh.k.lar nurining linzadan oʻtib, tarkibiy ranglarga ajralishi, tovlanishi.

3. astr. Yerning oʻz oʻqi va Quyosh atrofida aylanishi natijasida Yer bilan birga harakat qilayotgan kuzatuvchiga yulduzlarning asl oʻrnidan bir oz siljiganga oʻxshab koʻrinishi.

Meʼyordan ogʻish, meʼyordagi qiymatlardan chetga chiqish. Optik tizimlarda tasvirning buzilishi; tasvir aniq chiqmay, asliga toʻliq mos kelmaydi yoki chaplashib koʻrinadi. Aberratsiyaning geometrik, xromatik va difraksion turlari elektron linzalarda, ayniqsa elektron-optik asboblarda farq qilinadi., ogʻish