Қидирув

от 1. Бино ва иншоотларда юқорига чиқиш ёки пастга тушиш учун мўлжаллаб ясалган поғонали қурилма ва унинг ҳар бир поғонаси; зинапоя.

Ғиштин зина. Мармар зина. Зинадан чиқмоқ.

Ҳамдам ака айвон зинаси олдида тўхтади. — С. Зуннунова, Гулхан

[Алимардон] Кампирнинг гапларини эшитиб ҳам ўтирмай, зиналардан чопиб тушиб кетди. — Ў. Ҳошимов, Қалбингга қулоқ сол

Сафарали бир зина пастга тушган эди, орқада рус қизи бир нима деди. — Ойдин, Келин ўғил туғибди

2. Остона, бўсаға.

Эшик очилиб, шоп мўйлов, гўштдор юзидан заҳар томчилаган Мочалов билан бирга унинг каби погонли, яроғ-аслаҳали тўра зинада қаққайди. — Ойбек, Танланган асарлар

Узоқдан дарвозамиз кўринганда, юрагим шув этиб кетди. Дарвоза зинасида кимдир чўққайиб ўтирарди. — Ў. Усмонов, Сирли соҳил

3. кўчма Босқич, поғона; марта, карра.

Хоннинг ёʻлбошчиси бўлган кишининг ўзи зулмда Азизбекдан неча зина баланд ўринни ишғол этувчи кимса бўлса, биз қандоқ қилайлик! — А. Қодирий, Ўтган кунлар

от

Бугун Бобур келишидан олдин Хўжа Абдуллонинг фармойиши билан қасрнинг зинапояларига яна пояндоз тўшалди. — П. Қодиров, Юлдузли тунлар

Латифий Фотиманинг қўлидан ушлаб, зинапоядан четроққа тортди. — П. Турсун, Ўқитувчи

от айн. Зинапоя.

от Каучукни вулканлаш ёʻли билан олинадиган эластик маҳсулот ва ундан тайёрланган нарса, буюм.

Дағал резина. Резина этик.

Эмин қаради: автоматчи немислар дарёнинг кун чиқиш қирғоғидан резина қайиқда шу томонга тўппа-тўғри босиб келаяпти. — И. Раҳим, Чин муҳаббат

Қўшнисиникидан ўн беш метрли резина шланг опчиқиб берди. — С. Аҳмад, Сайланма

от 1. Бирор шахс, ташкилот ёки давлат ихтиёридаги қимматбаҳо буюмлар; маблағ; бойлик; давлат.

Мирзакаримбойнинг хазинаси Гулнорники. — Ойбек, Танланган асарлар

Темур Осиёнинг ҳамма қисмидан ҳадсиз-ҳисобсиз хазина йиғди, лекин уларни хасис одамлар каби сақламади. — Фан ва турмуш

2. ҳуқ. Ер остига кўмилган ёки бошқа усул билан яшириб қўйилган, эгасини аниқлаш қийин бўлган пул ёки қимматбаҳо буюмлар (булар топилса, давлат мулкига ўтади ва уни топган киши тегишли тартибда мукофот олади).

3. Давлат пули, қимматбаҳо нарсалари, умуман, бойлиги сақланадиган жой.

[Ҳусайн:] Хазинамда ҳар қанча зар, ҳар қанча ақча бўлса, юртнинг ободонлиги учун сарф этишга ваъда бераман. — Уйғун ва И. Султон, Алишер Навоий

4. Олтин, кумуш каби қимматбаҳо нарсалар кўмилган, яширилган жой, дафина.

Ёʻл қувлаган хазинага ёʻлиқар, Гап қувлаган бир балога ёʻлиқар. — Мақол

Шербек бу нуроний чолнинг кимлигини билиб, хазина топган кишидай суюниб кетди. — С. Анорбоев, Оқсой

5. Марказлашган давлатларда уларнинг молиявий захиралари мажмуи.

Хазина билетлари.

6. Ер ёки табиат бойликлари, табиий бойлик.

Ер — хазина, сув — олтин. — Мақол

Ўзбекистон ери — кони хазина, Халқи — олим, деҳқон камтар камина. — Ҳабибий

Ватанимизнинг тупроғи — олтин, тоғ-у адирлари, чўл-у саҳролари — туганмас хазина. — С. Зоҳидов, Тоғлар бош эгмоқда

7. кўчма Маданий ва маънавий бойликлар, дурдона асарлар мажмуи.

Роман [Сароб] 20 йил давомида адабиётнинг бебаҳо хазинасидан олиб ташланди. — Газетадан

Донолар таърифича, китоб — билим манбаи, инсоният тўплаган ҳикматлар хазинаси. — М. Жўра, Ноширнома

от тех. Темир ёʻл изларида унча узоқ, бўлмаган масофага боришга мўлжалланган, қўл кучи ёки мотор билан юргизиладиган тўрт ғилдиракли арава.

Биз худди шу ерда дрезинада [метронинг] Ойбек стансиясигача ёʻл оламиз. — Газетадан