бай-бай

унд. с. 1. Ҳайратланиш, ажабланиш ҳолати ёки таҳсин маъносини ифодалайди.

Бай-бай, шаҳаншоҳлар турадиган уйлар-а! — С. Нуров, Нарвон

Бай-бай, унинг ялқовлиги, аммо тил деган бир қулоч. — Ойбек, Танланган асарлар

Эндигина ётоқхона зина-поясига етган ҳам эдики, балкондан пастга қараб турган қизга кўзи тушди: Бай-бай, чакки эмас-у — Ёшлик

.баковул ичига қийма тиқилган какликларни олиб ўтяпти. Бай-бай, мунча ҳиди яхши-я? — деб ўйлади у, оғзининг суви келиб. — М. Осим, Ўтрор

[Бурҳон:] Бай-бай, бу вино эмас, асал-ку, дўстим. — Уйғун, Ҳуррият

2. Хушёқмаслик, норозилик, таассуфни ифодалайди.

Бай-бай! Келин деган ҳам шундоқ, латта қўғирчоқ бўладими? — С. Аҳмад, Сайланма

Бай-бай, бу болаларнинг дастидан ўлиб бўлдим; ахир бу тош қурт, жиғилдонларингни тешиб юборади-ку. — Ойбек, Танланган асарлар

— Бай-бай, ғоят хунук иш бўлибди,— деди домла ғамгинлик билан. — Муштум

Ажабланиш ёки таҳсин билдиради.VAY-VAY

(the interjection, expresses a regret, surprise, admiration and etc.), ah!, oh! o!