fl. Yuvdirmoq feʼlining majhul nisbati.
Поиск
По запросу «yuvdirilmoq» — результатов: 20: Толковый
Фильтр
Тип словаря
Словарные статьи
20fl. 1. Suv (baʼzan spirt, kerosin va shu kabilar) bilan ishqab toza qilmoq, kirini ketkazmoq.
Betni yuvmoq. Qoʻlni sovun bilan yuvmoq. Idishlarni yuvmoq. Yarani spirt bilan yuvmoq. Uzumni yuvib yemoq.
Toʻrtinchi kosani olib kirib ketgandan soʻng, Hayot qozonni yuvdi-yu, qopqogʻini yopib, kirib ketdi. — M. Ismoiliy, Fargʻona tong otguncha
Bahor ariq boʻyiga oʻtirib, pomidor, bodring va piyoz yuvdi. — Sh. Rashidov, Qudratli toʻlqin
[Erali] Otlarni yuvib, tarab, egarlab, yuganlardi. — Erali va Sherali
2. Oqizib olib ketmoq, oʻpirib yoki oʻyib ketmoq.
Yomgʻir devor suvoqlarini yuvib ketdi.
Suv nov ostini yuvib ketyapti. — Sh. Rashidov, Boʻrondan kuchli
Amu oqar qirgʻoqni yuvib, Kunlar oʻtar kunlarni quvib. — Gʻayratiy
3. q. x. Tuproq shoʻrini ketkazish maqsadida dalaga suv qoʻymoq; yaxob bermoq.
Shoʻr yerlarni qishda uch-toʻrt martalab yuvdik.
Bu yerni tekislashga ham, shoʻrini yuvishga ham ehtiyoj yoʻq. — Sh. Rashidov, Boʻrondan kuchli
4. s. t. Erishilgan gʻalaba, muvaffaqiyat yoki biror yaxshi narsaning qoʻlga kiritilishini ziyofat bilan nishonlamoq.
— Ogʻaynilar, endi kechirasizlar, — dedi Sangin plashining choʻntagidan yarimta aroq chiqarib, — bu kelganlaring hisob emas, kvartirani alohida yuvamiz. — A. Muxtor, Tugʻilish
Bobo amakim ham oltmish yillik toʻylarini qilib berishlari kerak. Pensiyani yuvmasalar boʻlmaydi. — I. Rahim, Taqdir
- Kir yuvmoq Kir boʻlgan kiyim hamda dasturxon, sochiq, choyshab kabi roʻzgʻor buyumlarini kir ketkazuvchi vositalar (sovun va shu kabilar) bilan suvda ishqab tozalamoq. [Oyimxon] Ochdan oʻlmaslik uchun ertadan kechgacha kir yuvib, haqiga bir kosa kepak olib, non qilib yegan. — P. Tursun, Oʻqituvchi
- Gunohini (yoki aybini, dogʻini va shu kabilar) yuvmoq Ezgu ish, yaxshilik, ibratli xatti-harakat va shu kabilar bilan oʻzini oqlamoq; gunohidan xoli boʻladigan ish qilmoq. Maxdumning bu soʻzi yuqoridagi gunohini yuvganday boʻldi. — A. Qodiriy, Mehrobdan chayonGulnor endi man tortmadi. Sof nomusiga otilgan qorani butunlay yuvib tashlashga jazm qildi. — Oybek, Tanlangan asarlar
- Kir yuvdi
- Qoʻlni yuvib, qoʻltiqqa urmoq (yoki tiqmoq) Biror kimsa yoki narsadan koʻngli sovimoq, hafsalasi pir boʻlmoq. Oftob oyim eridan ham qoʻlini yuvib, qoʻltigʻiga urgan edi. — A. Qodiriy, Oʻtgan kunlar
sft. 1. Shoʻxlik qilmaydigan, tinch yoki jim yuradigan; beozor.
Yuvosh bola. Yuvosh ot.
Musulmonqul qoʻy kabi yuvosh Toshkent hokimi Salimsoqbekni oʻldirib, oʻrniga Azizbekdek zolimni belgiladi. — A. Qodiriy, Oʻtgan kunlar
Dadam juda yuvosh, shirinsoʻz chol edi. — Oybek, Tanlangan asarlar
Yuragingiz daryo-da, oyi! Yoki sinfga nuqul yuvosh, aqllilarini terib olganmisiz-a! — H. Nazir, Opaxonimiz
2. rvsh. Beozor tarzda.
Zaynab yuvoshgina kulib, qizarib, chamadonchasini koʻcha oʻrtasiga qoʻydi. — Oybek, Oltin vodiydan shabadalar
Qamchi jahlidan tushib, Mavlon akaga yaxshi shogirdlardek yuvosh boqdi. — H. Gʻulom, Mashʼal
ot ayn. Yuvindi.
ot Murdani yuvib kafanlovchi shaxs; gʻassol, murdashoʻy.
Nabi aka Qodir-jonning iyagini malla boʻz belbogʻi bilan bogʻlab, yuvgʻuchi Salohiddinxoʻja va Mamajon goʻrkovning uyiga qarab joʻnadi. — A. Rahmat, Hayot lavhalari
fl. Yuvmoq feʼlining majhul nisbati.