Изоҳли луғат
· яна 1 та луғатда
от 1. Юк ташиш, ортиш, тушириш билан шуғулланувчи ишчи.
Степан душман қўлига ўтиб кетган кичик бир пароходга юкчи бўлиб кирди. — А. Мухтор, Қорақалпоқ қиссаси
Хўжабеков куни билан елкасидан беш пудлик қоп тушмаган юкчидай, эшикнинг кесакисига суянди. — С. Анорбоев, Оқсой
2. Юк ташишга мўлжалланган, юк ташийдиган.
Юкчи самолёт. Юкчи такси.
— Ёʻқ, бу эмас, — деб қўйди Акбар ака, узоқлашаётган кумуш рангли самолётни кузатар экан, — Халилжонники юкчи. — С. Акбаров, Отанинг хаёллари