Қидирув

от 1. Ёзмоқ ИИ 1 феълидан ҳаракат номи.

Ёзув машинаси бўлмаган терговчи маҳкамасининг мирзаси бечора протоколни жуда зўр диққат ва ҳафсала билан кўчирган. — Чўлпон, Кеча ва кундуз

Натижада Ёʻлчи ҳар кун терлаб-пишиб, соатларча ёзув машқ қилди. — Ойбек, Танланган асарлар

2. Муайян бир тилда қабул қилинган ёзма белгилар ёки тасвирлар тизими; алифбо.

Араб ёзуви. Руник ёзув.

Ўнлаб халқлар: мордвалар, комилар, марилар, қорақалпоқлар, хакаслар ва бошқалар ўз миллий ёзувларига эга эмас эди. — ЎТА

3. График белгиларнинг тасвири, ҳарфлар.

Яна бу қўлёзмада шоирнинг Жомий ғазалига тахмис ёʻли билан ёзган мухаммаси ҳам бор. Лекин ёзувлари жуда чаплашиб кетганлиги учун ўқий олмадик. — ЎТА

4. Ёзилган нарса, матн, хат.

Асад қори тахтадаги ёзувни тартиби билан ўқий бошлади. — М. Исмоилий, Фарғона тонг отгунча

Мирзакаримбой соқолини селкиллатиб кулди ва бу ёзувдан рози бўлганини билдирди — Ойбек, Танланган асарлар

Мана шундай ёзувлар Тошга ўйиб ёзилган. — З. Диёр

5. Уйга ёзиш учун берилган вазифа.

Ойи-чи, ойи, бугун ёзувдан тўрт олдим [деди Бахтиёр]. С. — Зуннунова, Янги директор

фл. 1. Ўроғлиқ, тахланган нарсани очмоқ, ёймоқ.

Гиламни ёзиб кўрмоқ.

Бостирмада Зиёдахон супра ёзиб, ун элаб ўтирар эди. — А. Қаҳҳор, Қўшчинор чироқлари

Ҳаммасига дастурхон ёзиб, сувнинг ўрнига шарбат, асал билан қанд-у новвот, зиёфат устига зиёфат қилди. — Юсуф ва Аҳмад

2. Ғижимланиб, бужмайиб қолган нарсани текисламоқ.

Солиев холи қолгач, ғаладондан сарғайиб кетган аллақандай қоғозларни олиб, кафти билан ғижимини ёзди. — Муштум

3. Тўшамоқ, солмоқ.

Башорат ўзини қаёққа қўйишини билмас, опаларига кўрпача ёзиб, яхшилаб ўтиришларини илтимос қилар эди. — А. Мухтор, Опа-сингиллар

Она-бола бир ўрин ёзиб ётдилар. — А. Қодирий, Ўтган кунлар

4. Очмоқ, ёймоқ; ростламоқ; кермоқ.

Панжасини ёзмоқ. Қанот ёзмоқ.

Пирнафас ака қулочини ёзиб, кучи борича санч-қини отди. — Ж. Шарипов, Хоразм

5. Тўпланиб, ўралиб, уйилиб турган нарсани ёймоқ, тарқатмоқ.

Хирмондаги пахталарни ёзмоқ.

Беш танобга солинган тупроқни ёзиб, очилган ерни ҳам чопиб, шудгор қилиб қўяди. — А. Қодирий, Ўтган кунлар

Сочингни ёзма дедим-ку! Қулоғингга тош биткур! — Н. Сафаров, Саодатнинг қиссаси

Пастроқда заррин попукларини ёзиб, хотин-қизлар артелининг байроғи ҳилпирайди. — А. Мухтор, Опа-сингиллар

6. Чиқармоқ, очмоқ.

Кимдир суқиб кетган тол ёғочи кўкариб, япроқ ёзди. — Ў. Ҳошимов, Қалбингга қулоқ сол

Ариқ лабларида ниҳол барг ёзар, Теварак гулбаҳор, теварак кўркам. — Р. Бобожон

7. Тарқатмоқ, ёʻқотмоқ.

Хафалигини ёзмоқ.

Бечора канизлар дард-аламларини ўйин-кулги билан чиқарар, ғамларини шу билан ёзардилар. — Ж. Шарипов, Хоразм

1. Йилнинг баҳор билан куз орасидаги энг иссиқ фасли

Лайлак келди — ёз бўлди. Дангасанинг иши битмас, ёз келса ҳам, қиши битмас — Мақол

Ёз кечасининг ёқимли салқини. Кўкда дарахтлар устида ғуж-зуж юлдузлар ёнади — Ойбек, Танланган асарлар

Куз келди-ю, кетди ёз: гул, майса ўт сарғайди — Ҳ. Пўлат

Қирқинчи йштинг ёз палласи эди — С. Кароматов, Олтин қум

2. кўчма Умрнинг энг гуллаган, ёшлик даври

Ёзим ўтди, чиройингизга тўймаи асло бу қувноқ кўнгил — Ғайратий

сфт. Ёзуви бор, устига ёзув битилган.

от 1. Ёзмоқ ИИ феълидан сифатдош.

2. от Бадиий асар ёзиш иши билан шуғулланадиган шахс; адиб.

Талантли ёзувчи.

Эр-хотин айтаверса, бу жанжалнинг тарихи бирон ёзувчининг қўлига тушса, каттакон бир китоб бўладиган. — А. Қаҳҳор, Жонфиғон

Жўрахон, ёзувчи билан хайрлашиб, ташқарига чиқди. — Назармат, Жўрлар баланд сайрайди

3. салб. Иғвогар, орага нифоқ солувчи.

Бу ёзувчи кўп одамларни сарсон қилди.

от Бадиий ижод билан шуғулланиш; ёзувчи касби.

Саидий — жўн студент, ёзувчиликка уннаб, ҳамиша муваффақияцизликка учраб юрган бир йигит. — А. Қаҳҳор, Сароб

Хотира дафтарида ёзувчилик меҳнатига доир кўп фикрларни учратиш мумкин. — К. Қаҳҳорова, Чорак аср ҳамнафас