Qidiruv

fl. 1. 1 Eshik, deraza va shu kabilarni bekitmoq.

Kiradigan eshigingni qattiq yopma. — Maqol

Mirhomidxoʻja ogʻilning eshigini sekin yopdi-da, imo bilan Qambaralini bir chekkaga chaqirdi. — A. Qahhor, Qoʻshchinor chiroqlari

[Polvon] Ostonaga borganda: — Qolganini uyda olasan, — dedi-yu, eshikni qarsilla-tib yopib chiqib ketdi. — S. Siyoyev, Otliq ayol

2. Ustiga tashlamoq, ustini bekitmoq.

Choʻli bobo uyiga kirib, bir yangi pochapoʻstin olib chiqib, Meʼmorning yelkasiga yopdi. — Mirmuhsin, Meʼmor

Yoʻlchi quruq namatga yotib, ustiga koʻrpacha yopdi. — Oybek, Tanlangan asarlar

3. Qopqoq bilan bekitmoq, qopqoqlamoq.

Choynakning qopqogʻini yopmoq

Ahmad uyiga kirib borganida, Munira qish gʻamini yeb, achchiq-chuchukdan shisha bankalarga konserva yopayotgan ekan. — F. Musajonov, Himmat

4. Ish-harakatini, faoliyatini toʻxtatmoq.

Doʻkonni yopmoq. Majlisni yopmoq.

Xivadek kichik bir qalʼada oltmishdan or-tiq qorixona na kerak?Ularning bir qismini yopmoq lozim. — S. Siyoyev, Avaz

Abdusamadqori samovarini yopib, menga javob berdi. — A. Qahhor, Qoʻshchinor chiroqlari

5. Ochiq, yoziq narsani yigʻmoq, bekitmoq.

Daftarni yopmoq.

Ahmad varaqning uchini buklab, jurnalni yopdi. — F. Musajonov, Himmat

Raʼno kitobni sekingina yopib, Anvarga uzatdi — A. Qodiriy, Mehrobdan chayon

Saodatxon endigina yopgan zontini qayta ochdi. — S. Zunnunova, Yangi direktor

6. Qurmoq, bino qilmoq.

Shuning uchun [Xudoyorxon] mehnatkashni rahmsiz ishlatib, saroy va rastalar, qalandarxona va oʻrdalar yopmoqda edi. — A. Qodiriy, Mehrobdan chayon

7. Qoplamoq, egallamoq.

Shahodat mufti qariyb butun koʻkragini yopgan bahaybat mosh-guruch soqolini qalam bilan taradi. — A. Qodiriy, Mehrobdan chayon

8. Yashirmoq, maxfiy tutmoq.

— Mabodo oblast gazetasiga ham kelib qolgudek boʻlsa, bu yogʻini yopamiz-qoʻyamiz-da, — dedi Halim. — R. Fayziy, Choʻlga bahor keldi

Shu yoʻl bilan siringni yopmoqchi boʻldingmi? [dedi Oʻrmonjon]. — A. Qahhor, Qoʻshchinor chiroqlari

fl. Yopmoq I feʼlining birgalik nisbati.

sft. 1. Yopishadigan, yopishuvchan.

Yopishqoq modda.

Yomgʻir na tinar, na yogʻar deganday, yoʻllarning sargʻish yopishqoq balchigʻi etiklarni oyoqdan sugʻurar edi. — A. Muxtor, Tugʻilish

Mahsining choki pishiq boʻlsin uchun, mumli, yopishqoq ipni har qatimda barmoqlari bilan qir-qir tortib qoʻyadi. — Oybek, Tanlangan asarlar

2. koʻchma Tutgan kishisini qoʻymaydigan; shilqim, xira.

Yopishqoq bola.

Qodirbek oʻlgudek shilqim, yelim, yopishqoq yigit ekan, har kuni Layloning oʻqishdan chiqishini poy-lab turib, mashinada olib borib qoʻyaman, deb tiqilinch qilarmish. — M. Qoriyev, Oydin kechalar

ot Yopishqoq boʻlish holati.

fl. Yopishmoq III feʼlining orttirma nisbati.

Konvertga marka yopishtirmoq.

[Zargarov:] Bir albom bor, sekretarim qayerda doklad-bop narsa koʻrsa, qirqib, shunga yopishtirib yuradi. — A. Qahhor, Ogʻriq tishlar

Mastura paxsa devorga yopishtirib qurilgan tandirdan patir uzayotir edi. — Oybek, Oltin vodiydan shabadalar