Поиск

closing, shutting, close

fl. 1. 1 Eshik, deraza va shu kabilarni bekitmoq.

Kiradigan eshigingni qattiq yopma. — Maqol

Mirhomidxoʻja ogʻilning eshigini sekin yopdi-da, imo bilan Qambaralini bir chekkaga chaqirdi. — A. Qahhor, Qoʻshchinor chiroqlari

[Polvon] Ostonaga borganda: — Qolganini uyda olasan, — dedi-yu, eshikni qarsilla-tib yopib chiqib ketdi. — S. Siyoyev, Otliq ayol

2. Ustiga tashlamoq, ustini bekitmoq.

Choʻli bobo uyiga kirib, bir yangi pochapoʻstin olib chiqib, Meʼmorning yelkasiga yopdi. — Mirmuhsin, Meʼmor

Yoʻlchi quruq namatga yotib, ustiga koʻrpacha yopdi. — Oybek, Tanlangan asarlar

3. Qopqoq bilan bekitmoq, qopqoqlamoq.

Choynakning qopqogʻini yopmoq

Ahmad uyiga kirib borganida, Munira qish gʻamini yeb, achchiq-chuchukdan shisha bankalarga konserva yopayotgan ekan. — F. Musajonov, Himmat

4. Ish-harakatini, faoliyatini toʻxtatmoq.

Doʻkonni yopmoq. Majlisni yopmoq.

Xivadek kichik bir qalʼada oltmishdan or-tiq qorixona na kerak?Ularning bir qismini yopmoq lozim. — S. Siyoyev, Avaz

Abdusamadqori samovarini yopib, menga javob berdi. — A. Qahhor, Qoʻshchinor chiroqlari

5. Ochiq, yoziq narsani yigʻmoq, bekitmoq.

Daftarni yopmoq.

Ahmad varaqning uchini buklab, jurnalni yopdi. — F. Musajonov, Himmat

Raʼno kitobni sekingina yopib, Anvarga uzatdi — A. Qodiriy, Mehrobdan chayon

Saodatxon endigina yopgan zontini qayta ochdi. — S. Zunnunova, Yangi direktor

6. Qurmoq, bino qilmoq.

Shuning uchun [Xudoyorxon] mehnatkashni rahmsiz ishlatib, saroy va rastalar, qalandarxona va oʻrdalar yopmoqda edi. — A. Qodiriy, Mehrobdan chayon

7. Qoplamoq, egallamoq.

Shahodat mufti qariyb butun koʻkragini yopgan bahaybat mosh-guruch soqolini qalam bilan taradi. — A. Qodiriy, Mehrobdan chayon

8. Yashirmoq, maxfiy tutmoq.

— Mabodo oblast gazetasiga ham kelib qolgudek boʻlsa, bu yogʻini yopamiz-qoʻyamiz-da, — dedi Halim. — R. Fayziy, Choʻlga bahor keldi

Shu yoʻl bilan siringni yopmoqchi boʻldingmi? [dedi Oʻrmonjon]. — A. Qahhor, Qoʻshchinor chiroqlari

sft. 1. Oʻtish yoki kirish-chiqish joyi toʻsib, bekitib qoʻyilgan; berk.

Yopiq eshik.

Kechasi maʼlum Margʻilon darvozalari yopiq boʻladir. — A. Qodiriy, Oʻtgan kunlar

Uylarning eshiklari, derazalari taqa-taq yopiq. — Oybek, Tanlangan asarlar

2. Toʻsilgan; bekitilgan.

Nuri—quyoshda ku-mushday yaltirovchi banoras paranjida; yuzi qat-qat shoyi roʻmollar bilan yopiq, xonaning ostonasi yonida sal egilib turadi. — Oybek, Tanlangan asarlar

3. Usti bekitilgan, yopilgan.

Yopiq qozon.

Ertalab soat yettilarda yotoqxona oldiga usti yopiq yuk mashinasi keldi. — S. Siyoyev, Yorugʻlik

4. Tamom boʻldi, tugadi.

Asqar Bakirovich yana bir marta unga [Bashirjonga] va kollektivga muvaffaqiyat tilab, majlisni yopiq deb eʼlon qildi. — N. Aminov, Suvarak

— Majlis yopiq, — eʼlon qildi Madyorov. — Sh. Toshmatov, Erk qushi

1. ayn. Yoppasiga.

Vaʼda shu! Barcha qiz yoppa safarbar, Sharaf-la yetmakka shu baxtli damga! — Zulfiya

Maxdum ikki bolani mehmonxonani supurib, joy solishga buyurdi va boshqa bolalarni yoppa ozod qoʻyib yubordi. — A. Qodiriy, Mehrobdan chayon

2. shv. Oʻngarib, bosib.

Ya na birov Bozorovning: Shiyponga ikki otliqni yuborib, Ado-latni otga yoppa qilib, Aravonga olib qocha-man, nikoh kechasidan keyin koʻnikib ketadi, degan gapini olib keldi. — I. Rahim, Chin muhabbat

Yo, Rajab polvon qaytguncha, toʻyning palovidan yoppa qilib kelaymi? — Sh. Tosh-matov, Erk qushi

shut, close, shut off, turn off, cover up, shut down, close up