«yaxshisi» boʻyicha 54 ta natija: Izohli
mod. s. Eng qulayi, muvofigʻi, maʼqul boʻlgani, toʻgʻrisi.
Yaxshisi, mening maslahatimga kiring.
Sen oʻchakishib yurma, yaxshisi, qayin otangga uzringni aytib, bu uydan ketish harakatini qil! — A. Qodiriy, Oʻtgan kunlar
Unaqa demang, yaxshisi, soqolim koʻksimga toʻkilsin, deb qoʻya qoling. — S. Ahmad, Hukm
sft. 1. Ijobiy sifatga ega boʻlgan, biror talabga toʻla javob beradigan, kishiga yoqadigan, maʼqul boʻladigan.
Yaxshi kishi. Yaxshi ot. Yaxshi baho. Yaxshi gap. Yaxshi gʻoya. Yaxshi tilaklar Yaxshi yemoq. Yaxshi kiymoq. Oʻzini yaxshi tutmoq.
Yaxshi soʻz — jon ozigʻi, Yomon soʻz — bosh qozigʻi. — Maqol
Yaxshi oshini yer, yomon — boshini. — Maqol
Yaxshiga yondash, yomondan qoch. — Maqol
Yaxshi bilan yursang, yetarsan murodga, Yomon bilan yursang, qolarsan uyatga. — Maqol
[Kumush] Kundan-kunga Zaynabning susayib, oʻziga begonalashib borganini yaxshi anglar edi. — A. Qodiriy, Oʻtgan kunlar
Yaxshi gapirib ham koʻrdi, yomon gapirib ham koʻrdi, foydasi boʻlmadi. — A. Qahhor, Qoʻshchinor chiroqlari
Gulnor, siz yaxshi oʻylang, ixtiyor sizda. — Oybek, Tanlangan asarlar
Yaxshining yuzida zuluk ham xol boʻlib koʻrinadi. — A. Qahhor, Toʻyda aza
2. mod. s. Rozilik, maʼqullash maʼnosini bildiradi; xoʻp boʻladi, durust, maʼqul.
Yaxshi, hozir yetib boraman. — Yaxshi, men yana oʻylab koʻraman
[Yusufbek hoji:] Yaxshi. Vaʼda ham berayin, ammo sen unashmay tur! — A. Qodiriy, Oʻtgan kunlar
[Oqsoqol] Oʻrnidan turdi va qattiq ovoz bilan: — Yaxshi. Bu kishiga ham formadan berasan, — dedi va shoshganicha chiqib ketdi. — P. Tursun, Oʻqituvchi
ot 1. Yaxshi xislat, xulq-atvor kabilarga egalik.
Hikoya alohida shaxslarning yaxshiligi yo yomonligi haqida, yo boʻlmasa, tur-mushdagi biror tasodif ustida yozilmaydi. — A. Qahhor, Sarob
Toshkentga qaytishda meni ham olib joʻnadilar. Chunki yaxshiligimni, toʻgʻri, halol ishlaganimni bilar edilar. — Oybek, Tanlangan asarlar
2. Ixtiyoriy ravishda biror kishining manfaatini koʻzlab ish tutish, biror manfaat yetkazish; mehribonlik; xayrli ish, ezgulik.
Yaxshilik qilmoq. Yaxshilikni unutma. Sizga yaxshilik xohlayman. Yaxshilikning kechi yoʻq. — Matal
Yomondan yaxshilik kutma. — Maqol
Yaxshi odamning yaxshiligi tegar tor yerda, Yomon odamning zarari tegar har yerda. — Maqol
Yaxshi odamlar hamma joyda topiladi. Lekin bu bechoralarning qoʻllaridan birovga yaxshilik qilish kelmaydi. — P. Tursun, Oʻqituvchi
Yoʻq, xuddi shunday! Lekin men xotinim bilan ancha yildan beri turib, undan koʻp yaxshiliklar koʻrganman. Bu yaxshiliklarning har qaysisi koʻnglimdan alohida-alohida joy olgan. — A. Qahhor, Oltin yulduz
3. Yaxshi ekanlik.
s. t. Yaxshiki.
Yaxshiyam, oʻzi kelmabdi.
fl. 1. Biror narsaning sifatini, holatini yuqori darajaga koʻtarmoq, ilgarigidan yaxshiroq holga keltirmoq; tuzatmoq.
Yozuvni yaxshilamoq. Ishlarni yaxshilamoq. Mehnat intizomini yaxshilamoq. Ekin navlarini yaxshilamoq.
Oʻgʻli uylangandan keyin roʻzgʻorni yaxshilab, ovqatlarni moʻl-koʻl qilibdi. — Oybek, Tanlangan asarlar
2. Yaxshi sifatlar bilan baholamoq, gapirmoq.
U sizni doim yaxshilab yuradi. Birovni orqasidan yomonlash oʻrniga yaxshilagan maʼqul.
fl. Yaxshilamoq feʼlining majhul nisbati.
qaytaga Aksincha, bilʼaks. Onaxon bu gapga parvosiz qaradi, qaytaga chehrasi ochildi. A. Muxtor, Opa-singillar Men sizdan hech ginam yoʻq. Qaytaga boshogʻriqdan qutuldim.
o‘yinbuzuqi Oʻyinning borishiga xalaqit beruvchi, uni buzishga urinuvchi. Maktabda tanaffus paytlari shashka yoki voleybol oʻyinlarida gʻirromlar, oʻyinbuzuqilar ham boʻl
dilxush Qalbi quvonchga toʻlgan, shodon, xursand. Dilxush boʻlmoq. Dilxush qilmoq. Normamatning nazarida, u [imom] shirin kalom, dilxush odam chiqdi. A. Muxtor, Opa-singi
ajrim Ikki oʻrtadagi ish yuzasidan xulosaviy natija; kelishuv, kelishtiruv. huq. Sud qarori. Bekobod shahar sudi.. Ahmedovning jinoiy ishi yuzasidan chiqarilgan xususiy a
bunyod Bor, barqaror. Jahonda toki bunyodsen Ki nomi odamizodsen E. Vohidov, Muhabbat Bunyod (erkaklar ismi). Bunyod boʻlmoq yoki bunyodga kelmoq 1. Yuzaga kelmoq, barpo
asli Asl soʻzining 3-shaxs birlik shakli. Odamlarning yaxshisi — gʻazabi sekin kelib, asliga tez qaytadiganidir. Fan va turmush ayn. Asl 1, 2. Hiloliy Ravshanbekning asli
Uch opa-singil otalarining zolimligidan qochib, har biri oʻz yoʻliga ravona boʻladi. Kenja qiz Iqbol ayiq bilan turmush qurib, Ayiqpolvon ismli oʻgʻil koʻradi.
Ushbu ertakda bir ayyor bilan sodda yigitning sarguzashtlari hikoya qilinadi. Ular topib olgan oltinlar tufayli ayyor soddani aldashga urinadi, ammo oxir-oqibat
Bir chol bilan kampirning yovvoyilashgan mushugi ularning joniga tegadi. Mushuk chakalakzorda tulki bilan doʻstlashib, birgalikda quyonni aldamoqchi boʻlishadi.
Podshohning donishmand qizi otasi va uning vazirlarini oʻlimdan qutqaradi, biroq qizgʻanchiq oʻgay onasi tufayli choʻlga tashlanadi. U yerda u telba bir yigitni
Bu ertakda dono yigitning oʻziga munosib umr yoʻldoshini topish sarguzashtlari hikoya qilinadi. U yoʻlda uchragan turli savollar orqali boʻlajak rafiqasining aq
Bu ertakda oʻz hayotini saqlab qolish uchun xoʻjayinidan qochgan echki va qoʻyning sarguzashtlari hikoya qilinadi. Ular yoʻlda duch kelgan xavfli vaziyatlardan
