Поиск

fl. Yashnamoq feʼlining orttirma nisbati.

fl. 1. Barq urib oʻsmoq, gullamoq, guli ochilmoq.

Oldin ekilgan gʻoʻzalarimiz esa kun sayin yashnayapti. — R. Azizxoʻjayev, Yashil chayla

Yuz ochmish, yashnamish sumbul va lola. — Gʻayratiy

2. Oʻziga tortadigan goʻzal holga kelmoq; yorqinlik, koʻrkamlik kasb etmoq; goʻzallashmoq.

Bahor kelishi bilan dala yashnar.

El keltirib yoydi poyandoz, Yashnab ketdi hovuz boʻylari. — E. Rahim

Gulnorning boʻyi oʻsib, koʻkragi toʻlishib, butun gavdasi qizlik latofati bilan yashnagan chogʻda, boyvachcha uni koʻz tagiga olib qoʻygan edi. — Oybek, Tanlangan asarlar

U [Asrora] kirgan uy yashnab ketadi. — S. Ahmad, Ufq

3. koʻchma Rivoj topmoq, kamolga erishmoq; avj olmoq.

[Yoʻlchi:] Xalq borgan sari pachaqlanaveradi, boylar yashnayveradi, negaki ildizi kuchimizni soʻradi-da. — Oybek, Tanlangan asarlar

Odamlarda gʻayrat va tashabbus yashnab ketdi. — A. Qahhor, Qoʻshchinor chiroqlari

Saidiyning qalbidagi soʻna boshlagan muhabbat choʻgʻi yashnay boshladi. — A. Qahhor, Sarob

4. Porlab, chaqnab, yashnab koʻrinmoq, namoyon boʻlmoq.

Yulduzlar charogʻon boʻlib yashnamoqda.

Qoʻsha-qoʻsha gilamlar yashnagan bu uy, Unsin yolgʻiz qolarkan, allaqanday sovuq tuyuldi. — Oybek, Tanlangan asarlar

5. koʻchma Yayramoq, yozilmoq.

Yangi turmush bogʻlarinda Yosh koʻngillar yashnasin! — Hamza

Har zamon boʻl bilim oʻchogʻida, Yashnagan maʼrifat quchogʻida. — Gʻayratiy

Paranjini oʻt-otashga Tashlaganim-tashlagan, Davlat qushi qoʻngan boshga, Yashnaganim-yashnagan. — Z. Diyor

n blossoming, flourishing, prosperity

prospered, in blossom

fl. Yashnatmoq feʼlining majhul nisbati.