фл. 1. Айнан бир нарсанинг эскисини янгисига алмаштирмоқ, янги қилмоқ.
Соат пружинасини янгиламоқ.
Зеби қайната ва қайнанага вақтида чилим тутиши, чилимнинг сувини тез-тез янгилаб, сархонасини тозалаши лозим эди. — Ш. Рашидов, Қудратли тўлқин
Меҳриниса, эри идорага бориб келаман, деб чиқиб кетгач, дастурхонни йиғиб, самоварнинг кулини қоқди, сув тўлдириб, оловини янгилади. — Р. Файзий, Ҳазрати инсон
2. Борини бошқаси билан алмаштирмоқ; ўзгартирмоқ.
Кафедра мудирини янгиламоқ. Иш жойини yangilamoq.yash
Ношуд раисни янгилаш зарур бўлиб қолганида, балогардон бизнинг Абдуллажон отага ёпишиб оладилар. — Н. Сафаров, Оловли излар
3. Аввалгиси (эскиси) ҳам тургани ҳолда янгисини олмоқ.
Кийимларини янгиламоқ.
Хулласи калом, ишларим чакки эмас, дўппим яримта. Фақат менда бир армон бор. У ҳам бўлса, хотинни янгилаб олсам. — Муштум
- Ярасини (ёки дардини) янгиламоқ Тузалган, битган (ёʻқ бўлган) ғам-ташвиш, нохушликни, дардни қайта қўзғамоқ. Унинг ярасини янгилаб қўйишдан қўрқиб, ярим ёʻлгача индамай борди. — К. Яшин, ҲамзаНотиқлар орасида эски дардимни янгилаган молдаван ёзувчиси Павил Петрович Бацу бўлди. — Н. Сафаров, Оловли излар